နိုင်ငံခြားသားများသာ

ဒီတစ်ခေါက် စင်ကာပူမှ ပြန်အလာတွင် လေယာဉ်ကွင်းမှနေ ပြီး မိသားစုလိုက် ဘုရားဖူးရန် ရွှေတိဂုံဘုရားသို့ လာခဲ့မိသည်။ ဘုရားရောက်မှ ကျွန်တော့်အမျိုး သမီး ဘောင်းဘီတိုဝတ်ထားမှန်း သတိထားလိုက်မိ၍ ခရီးဆောင် အိတ်ထဲမှ ထဘီတစ်ထည်ယူကာ ဘုရားပေါ် မတက်မီ အမျိုးသမီး အိမ်သာထဲဝင်၍ လဲရန် တောင် ဘက်မုခ်ထဲသို့ ဝင်လိုက်သည်။ အိမ်သာထဲသို့ဝင်ရန် အလုပ်တွင် ဘုရားမှ ဝန်ထမ်းအမျိုးသမီးတစ် ဦးရောက်လာပြီး အိမ်သာသုံးလို့ မရကြောင်း လာပြောသည်။ ကျွန် တော့်အမျိုးသမီးကလည်း အိမ် သာသွားရန် မဟုတ်ဘဲ ထဘီလဲရုံ ပဲဖြစ်ကြောင်း ပြန်ပြောသည်။ ဝန်ထမ်းအမျိုးသမီးက မရဘူး။ ထဘီလဲချင်လျှင် အပြင်တွင်သွား လဲဆိုပြီး အော်ဟစ်ပြောတော့ သည်။ ပြီးတော့ နိုင်ငံခြားသူနှစ် ဦးကို အိမ်သာထဲခေါ်သွားကာ သူ ကိုယ်တိုင် ပတ်ထဘီများ ဝတ်ပေးနေတော့သည်။
.
ထိုအချိန်တွင် ဒေါသထောင်း ခနဲထွက်သွားသော်လည်း ဒေါသ ကိုထိန်းလိုက်ပြီး နိုင်ငံခြားသူတွေ တော့ အိမ်သာထဲ ထဘီဝတ်ခွင့် ပေးပြီး ဘာလို့ ဗမာလူမျိုးအမျိုး သမီးတစ်ယောက်ကို ကာယိနြေ္ဒ ပျက်ပြားအောင်၊ အဂါရဝ အပြု အမူဖြစ်အောင် အပြင်တွင် ထဘီလဲခိုင်းတာလဲ မေးလိုက်တော့ ဝန်ထမ်းအမျိုးသမီးက ဒေါသနဲ့ ပြန်ဟောက်တော့သည်။ ဒါ နိုင်ငံခြားသားတွေအတွက် မြန် မာတွေဝင်လို့မရဘူး။ ကျွန်တော့် တစ်ကိုယ်လုံး ဒေါသဖြင့် တုန် သွားသည်။ စကားပြန်ပြောသည့် အချိန်တွင်လည်း အသံများ တောင် တုန်ရီနေသည်။ ခင်ဗျား တို့ဗျာ တစ်ကမ္ဘာလုံးမှာ ဘယ် နေရာဖြစ်ဖြစ် ကိုယ့်နိုင်ငံသားတွေ ကို ပထမဦးစားပေးကြပါလျက် ကျွန်တော်တို့ မြန်မာပြည်တွင်မှ ဗုဒ္ဓဘာသာတွေရဲ့ အထွတ် အမြတ်ထားရာနေရာဖြစ်သော ရွှေတိဂုံစေတီလို နေရာမျိုးမှာ တောင် ကိုယ့်လူမျိုး ကိုယ့်ဘာ သာကို ဦးစားမပေးဘဲ နိုင်ငံခြား သားကိုမှ ဦးစားပေးရတယ်လို့။ ကျွန်တော့်အမျိုးသမီးကလည်း လူတွေအများကြီးထဲ ထဘီလဲရန် ဘယ်လိုမှ အဆင်မပြေသဖြင့် အတင်းဝင်ပြီး ထဘီလဲလိုက် သည်။ ပြန်အထွက်တွင် ဝန်ထမ်း အမျိုးသမီးက အိမ်သာတံခါးကို ဆောင့်ပိတ်လိုက်ပြီး သော့ပါခတ် လိုက်တော့သည်။ ဘုရားတက် အဖူးတွင် ဂေါပကကို ဝင်ပြောရန် ကြံစည်သော်လည်း ဒေါသအလွန်ဖြစ်နေသည့်အတွက် ရန်ဖြစ်သလိုဖြစ်နေမည်စိုး၍ တစ်ကြောင်း၊ ပြောဆိုရာတွင်အမှားပါသွားနိုင် သည်က တစ်ကြောင်းမို့ မပြော ဖြစ်တော့။ သည်လိုမျိုးအတွေ့ အကြုံများသည် တစ်ကြိမ်မက တော့ပေ။
.
၂၀၁၂ လောက်က မြန်မာ ပြည်တွင် အရှေ့တောင်အာရှ လူငယ်ခေါင်းဆောင် ဆွေးနွေးပွဲ ကို ကျင်းပသည့်အချိန်တွင် စင် ကာပူမှ လူငယ်စီးပွားရေးလုပ်ငန်း ရှင်အဖြစ် ဖိတ်ကြားခြင်းခံရသည်။ မြန်မာလူမျိုးဖြစ်သော်လည်း စင် ကာပူတွင် အခြေစိုက်ကာ စီးပွား ရေးအတိုင်ပင်ခံအဖြစ် အလုပ် လုပ်နေသောကြောင့် စင်ကာပူမှ နေပြီး  ဖိတ်ကြားခံရခြင်းဖြစ် သည်။ ဒေါ်အောင်ဆန်းစုကြည် နှင့် အဲဒီအချိန်က သမ္မတကြီး ဦးသိန်းစိန်ပါ တက်မည်ဟုဆို သောကြောင့် ဖိတ်ကြားမှုကို ဂုဏ်ယူမိသည်။ ဆွေးနွေးပွဲကျင်း ပမည့် ကြယ်ငါးပွင့်အဆင့်ဟို တယ်တွင် နိုင်ငံတကာမှလာသော တက်ရောက်သူများကို အခန်း များ စီစဉ်ပေးထားသည်။ ကျွန်တော့်ကိုလည်း စင်ကာပူမှ ဖိတ်ကြား ထားသည့်အတွက် ဟိုတယ် အခန်းတစ်ခု စီစဉ်ပေးထားသည်။ ဟိုတယ်တွင် ဆွေးနွေးပွဲ တက် ရောက်လာသူများအတွက် အခန်းသော့များ ဝေပေးရန် သီးခြားနေ ရာ လုပ်ပေးထားသည်။
.
ဟိုတယ်ဝန်ထမ်းကို ဆွေး နွေးပွဲ လာတက်သူဖြစ်ကြောင်း ပြောပြီး မြန်မာမှတ်ပုံတင်ကို ထုတ်ပေးလိုက်သည်။ နိုင်ငံခြားသား များကတော့ သူတို့၏ နိုင်ငံကူး လက်မှတ်ဖြင့် အခန်းသော့ကို ထုတ်ယူကြသည်။ လူများသည့် အတွက် ထိုင်စရာနေရာများ လုပ် ပေးထားပြီး ဟိုတယ်ဝန်ထမ်းများ က ကော်ဖီနှင့်မုန့်များဖြင့် လိုက် လံဧည့်ခံသည်။ ကျွန်တော်လည်း တခြားနိုင်ငံမှ လာရောက်ပြီး ဆွေးနွေးပွဲတက်ရောက်သူများနှင့် စကားပြောရင်း ထိုင်စောင့်နေ လိုက်သည်။ ခဏကြာတော့ ဟို တယ်ဝန်ထမ်းများလာပြီး အခန်း သော့များကို လိုက်ပေးသည်။ တစ်ယောက်ပြီး တစ်ယောက် အခန်းသော့များယူပြီး ထွက်သွား ကြသည်။ တစ်နာရီလောက်ကြာ သည့်တိုင် ကျွန်တော့်အတွက် အခန်းသော့မရသေးပေ။ လူတွေ များလွန်းသဖြင့် အလုပ်များကာ ကြာနေတာနေမှာပါဟု တွေးပြီး ဆက်  စောင့်နေလိုက်သည်။ တဖြည်းဖြည်း လူတွေကုန်သ လောက်နီးပါး ဖြစ်သွားသောအခါ အခန်းများ စီစဉ်ပေးနေသော နေ ရာသို့သွားပြီး မြန်မာလိုပင် သွား ၍ မေးကြည့်မိသည်။
.
ဟိုတယ်ဝန်ထမ်းများက နိုင်ငံခြားသားများကို ချိုသာစွာ ရှင်းပြ  အကူအညီပေးနေသော် လည်း ကျွန်တော်က မြန်မာလို မေးသည်ကို ကြောင်အမ်းအမ်းနှင့် နားမလည်သလို စိုက်ကြည့်နေကြ သည်။ အတော်ရှင်းပြတော့မှ ထောင့်မှာကပ်နေသော မှတ်ပုံ တင်ကိုယူကြည့်ပြီး သြော်ဒီမှာနေ မလို့လားဟုပြောပြီး နာမည်စာ ရင်းထဲကို ကြည့်ကာ အခန်းသော့ ထုတ်ပေးသည်။ ကျွန်တော်လည်း အခန်းသော့ကိုယူရင်း မင်းတို့တွေ ဟိုတယ်မှာ အလုပ်လုပ်တာနဲ့ မြန်မာလိုတောင် စကားမတတ် တော့ဘူးလားဟု ပြောခဲ့မိသည်။
.
နှစ်အတော်ကြာကြာ တစ် ရက်က FMI Center ဘေး မီး ရထားဟိုတယ်ရှေ့တွင် ဖွင့်ထား သော စားသောက်ဆိုင်တစ်ခုတွင် လည်း ထိုကဲ့သို့သော အဖြစ် အပျက်တစ်ခုနှင့် ကြုံဖူးသည်။ စားသောက်ဆိုင်တွင်း ဝင်သွား သောအခါ စားပွဲထိုးများစုပြီး ထောင့်တစ်ထောင့်တွင် စကား ပြောနေကြသည်ကို တွေ့ရသည်။ လွတ်တဲ့ခုံတစ်လုံးတွင် ဝင်ထိုင် ရင်း စားပွဲထိုးကို လှမ်းခေါ်သည်။ မည်သူမှမလာကြ။ ဒါနဲ့ ခဏ စောင့်ပြီး ထပ်ခေါ်သည်။ မလာ။ ထိုအချိန်တွင် အနောက်တိုင်းမှ နိုင်ငံခြားသားနှစ်ဦး ဆိုင်အတွင်း ဝင်လာသည်။ စုပြီး စကားပြော နေကြသော စားပွဲထိုးများအားလုံး ပြေးထွက်ကာ ခရီးဦးကြိုကြတော့ သည်။ ကျွန်တော်လည်း ဒေါသ ဖြစ်သဖြင့် ထိုင်နေရာမှ ထထွက် လာပြီး စားပွဲထိုးတွေကို မင်းတို့ တွေ နောက်တစ်ခါ မြန်မာလူမျိုး မဝင်ရဆိုပြီး ဆိုင်းဘုတ်ချိတ်ထား လိုက်ကွာဟု လှမ်းပြောခဲ့လိုက် သည်။
.
ပထမတော့ ထိုကဲ့သို့သော အဖြစ်အပျက်များကို တော်တော် ဒေါသထွက်မိသည်။ သေသေ ချာချာ စဉ်းစားကြည့်မိတော့ ထို ကဲ့သို့သော ဆက်ဆံမှုများသည် နှစ်ပေါင်းများစွာ လူ့အခွင့်အရေး ဆုံးရှုံးမှုမှတစ်ဆင့် ကိုယ့်ကိုယ် ကိုယ် တန်ဖိုးထားမှု လျော့ပါးလာ ကာ ကိုယ့်အမျိုးအနွယ်တစ်ခုလုံး ထက် နိုင်ငံခြားသားများနှင့် နိုင်ငံ ခြားတိုင်းပြည်များကို ပိုမိုအထင် ကြီးစိတ် ဝင်လာကြခြင်းကြောင့် ဖြစ်သည်ဟု သုံးသပ်မိသည်။
.

လူသားအခွင့်အရေး ဆုံးရှုံးမှု

မြန်မာနိုင်ငံမှ ပြည်သူများ သည် နှစ်ပေါင်းဆယ်စုနှစ်များစွာ လူသားအခွင့်အရေးများ ဆုံးရှုံးခဲ့ ရသည်။ အာဏာရှင်များသည် ကိုယ့်အုပ်ချုပ်မှု အာဏာ တည် မြဲရေးအတွက် ပြည်သူများကို အ ကြောက်တရားများ ရိုက်သွင်းအုပ် ချုပ်ခဲ့ကြသည်။ မွေးဖွားမလာ မီအချိန် ကိုယ်ဝန်စဖြစ်တည်က တည်းက ဆရာဝန်များကို ကျေးဇူးရှင်သဖွယ် စတင် ကြောက်လန့် ခဲ့ရသည်။ တိုးတက်သောနိုင်ငံ များတွင် ဆရာဝန်များက လူနာ ကို ထမင်းရှင်အဖြစ် တလေး တစား ဆက်ဆံသည်။ လူနာသိချင်သမျှ ရှင်းပြသည်။ ကုထုံးများကို တိုင်ပင်သည်။ လူနာသဘော မတူလျှင် ဘာမှလုပ်မရ။ မြန်မာပြည်တွင် မွေးဖွားလာသောအခါ ဆေးရုံစောင့်မှစပြီး သူနာပြု ဆရာမအဆုံး အကုန်ကြောက်ရ သည်။ တစ်ရက် ဆေးရုံကြီးတွင် အသိလူနာတစ်ယောက်ကို သွားကြည့်ရာ ဆရာဝန်ကြီး Round လှည့်ချိန်နှင့်တိုးသဖြင့် အော်ဟစ်မောင်းထုတ်ခြင်း ခံရဖူးသည်။ ကျောင်းစာသင်ချိန်တွင်လည်း ဆရာ၊ ဆရာမများကို တုန်နေ အောင် ကြောက်ခဲ့ရသည်။ အလုပ်ဝင်တော့ အထက်အရာရှိများကို ကြောက်ရသည်။ ထိုအကြောက် တရားများ တစိမ့်စိမ့်ဝင်နေခဲ့ရ သော မျိုးဆက်တစ်ခုသည် Dignity ဟုခေါ်သော ကိုယ့်ကိုယ် ကိုယ် တန်ဖိုးထားစိတ်များ လျော့ပါးကုန်ကြသည်။ မျိုးဆက် တစ်ခုလုံးနီးပါး တန်ဖိုးထားမှု လျော့ ပါးသွားသောအခါ ကိုယ့်လူမျိုး ကို ကိုယ်ကိုယ်တိုင် အထင်ကြီး လေးစားမှု ပျောက်ကွယ်ကုန်ကြ သည်။ လူသားဆိုင်ရာ အခွင့် အရေးများကို တောင်းဆိုဖို့နေနေ သာသာ ကိုယ်နှင့်ထိုက်တန်မှုမရှိ ဟု ယူဆလာကြသည်။ ထို အ ချက်သည် အာဏာနှင့် အုပ်ချုပ် သူလူတန်းစားအတွက် အုပ်ချုပ် ဖို့ လွယ်ကူပေမယ့် တိုင်းပြည်ကတော့ စိတ်ဓာတ်ကစပြီး အစစ အရာရာ ယိုယွင်းသွားတော့သည်။
.

ပြောင်းလဲချိန်တန်ပြီ

အင်န်အယ်လ်ဒီအစိုးရ လက်ထက်တွင် ပြုပြင်ပြောင်းလဲ မှုများ အရှိန်အဟုန်ဖြင့် စတင် လုပ်ဆောင်လာသည်ကို တွေ့ရ သည်။ သို့သော် ရုပ်ဝတ္ထုပြုပြင် ပြောင်းလဲမှုသာမက တစ်တိုင်း ပြည်လုံး စိတ်ဓာတ်များ ပြုပြင် ပြောင်းလဲဖို့အတွက် အထူးဂရုပြု အာရုံစိုက်သင့်သည်။ လူတိုင်းလူ တိုင်း လူ့အခွင့်အရေးဆိုသည်ကို နားလည်သိရှိဖို့နှင့်လူ့အခွင့်အရေး အပြည့်အဝ မရရှိပါက တောင်း ဆိုတတ်ဖို့နှင့် ရအောင်ကြိုးပမ်း ကြဖို့ လိုအပ်ပါသည်။ ထိုသို့ အခြေခံလူသား အခွင့်အရေးများ အပြည့်အဝ ရလာကြလျှင် ကိုယ့် ကိုယ်ကိုယ် တန်ဖိုးထားမှု မြင့် တက်လာပြီး ကိုယ့်လူမျိုးကို ကိုယ်လေးစားချစ်ခင်သော စိတ်များ ဝင်လာကြမည်မှာ မလွဲဧကန်ဖြစ် တော့သည်။
.
ထို့ကြောင့် မဝေးတော့သည့် အနာဂတ်တွင် ‘နိုင်ငံခြားသားများ သာ’ဆိုသည့် နေရာများ ပျောက် ကွယ်သွားပြီး မြန်မာအချင်းချင်း ရိုင်းပင်းချစ်ခင်မှုများ တိုးပွားလာ ကြမည်ဟု ယုံကြည်မျှော်လင့်ရင်း . . . ။

(7 Day Daily, 10 Feb 2017)

ရောမရောက်လျှင်

တစ်ရက်နိုင်ငံအတော်များများတွင် ရုံးခွဲများဖွင့်လှစ်ထားသော ဥရောပအခြေစိုက်ကုမ္ပဏီတစ်ခုမှ အမှုဆောင်အရာရှိချုပ် တစ်ယောက်နှင့် စင်ကာပူတွင် ညစာစားဖြစ်လေသည်။ ညစာစားရင်း မြန်မာပြည်သည် နောင်တွင်သူတို့ ကုမ္ပဏီအတွက် အရေးပါသော ဈေးကွက်ဖြစ်လာမည်ဖြစ်သောကြောင့် စိတ်ဝင်စားကြောင်း ပြောကြားသည်။ မကြာခင် သူမြန်မာပြည်သို့ သွားရောက်လည်ပတ်မည်ဖြစ်ပြီး စီးပွားရေးလုပ်ငန်းရှင်များ၊ ၀န်ကြီးအဆင့်အစိုးရအရာရှိများနှင့် တွေ့ဆုံဆွေးနွေးလိုကြောင်း ပြောပြီး ကျွန်တော့်အား စီစဉ်ခိုင်းသည်။ ထိုအချိန်က သမ္မတ ဦးသိန်းစိန်အစိုးရလက်ထက်။ စီးပွားရေးလုပ်ငန်းရှင်များနှင့် တွေ့ဆုံရန် စီစဉ်ဖို့ အခက်အခဲမရှိသော်လည်း အစိုးရအရာရှိများဖြင့် တွေ့ဆုံရာတွင်မူ စရိတ်စကများရှိသည်။ သမ္မတကိုယ်တိုင် ကျပ်ငွေသုံးသိန်းအောက် လက်ဆောင်များကို တရားဝင်လက်ခံခွင့်ပေးထားသည့်အချိန် ဖြစ်သည်။ အမှုဆောင်အရာရှိချုပ်အား ထိုကိစ္စကို ရှင်းပြရာ သူတို့ကုမ္ပဏီသည် ဥရောပတွင် လာဘ်ပေးလာဘ်ယူကင်းစင်ရေးအတွက် ရှေ့ဆောင်ပါဝင်ထားသော ကုမ္ပဏီဖြစ်သဖြင့် အစိုးရဌာနများသို့ လက်ဆောင်များပေး၍ မရကြောင်းပြောသည်။ သို့သော် နိုင်ငံတစ်နိုင်ငံချင်းစီ၏ အလေ့အထများကို သူတို့ကုမ္ပဏီက အလေးထားကြောင်းလည်း ပြောသည်။ သို့ဖြင့် သူ့အား ကျွန်တော့်ကို ပေးရမည့် အတိုင်ပင်ခံအကြံပေးခကို ထပ်တိုးဖို့တော့ လိုလိမ့်မည်ဖြစ်ကြောင်း ပြောလိုက်ရာ သူက ဘာမှထပ်မပြောဘဲ သဘောတူကြောင်း ပြောသည်။ ရောမရောက်လျှင် ရောမလိုကျင့်ရတာပေါ့ဟု ပြောလိုက်ပြီး ရယ်ရင်းမောရင်းဖြင့် ညစာစားပွဲကို အဆုံးသတ်လိုက်ကြသည်။ ထို့နောက် လိုအပ်သော အစီအစဉ်များကို စီစဉ်ပေးလိုက်သည်။ ထိုကုမ္ပဏီအနေဖြင့်လည်း စီးပွားရေးအကြံပေး အခကြေးငွေအဖြစ် စာရင်းသွင်းကာ ပြေလည်သွားသည်။

နဂါးကြီး၏ ခြေဆန့်မှု

ဥရောပနှင့် အမေရိကရှိ နိုင်ငံများမှ ကုမ္ပဏီများသည် စီးပွား ရေးလုပ်ရာတွင် လူ့အခွင့်အရေး၊ လာဘ်ပေးလာဘ်ယူ ကင်းရှင်း ရေးနှင့် သဘာဝပတ်ဝန်းကျင် ထိန်းသိမ်းရေးကို အထူးအလေး ထားကာ ဂရုစိုက်ကြသည်။ သူတို့ နိုင်ငံများမှ အစိုးရများသည်လည်း ထိုအချက်အလက်များကို ချိုး ဖောက်သော ကုမ္ပဏီများကို ပြင်း ပြင်းထန်ထန်အရေးယူဆောင် ရွက်လေ့ရှိသည်။ ထိုအချိန်တွင် နဂါးကြီးဟု တင်စားထားသော တရုတ်ပြည်၏ စီးပွားရေးတစ်မု ဟုတ်ချင်းတိုးတက်လာသည်။ စီး ပွားရေးတိုးတက်လာသည်နှင့်အ မျှ တရုတ်ကုမ္ပဏီများသည် သူတို့ ၏ စီးပွားရေးလုပ်ငန်းများကို နိုင်ငံတကာသို့ ချဲ့ထွင်လာကြသည်။ ဥရောပနှင့် အမေရိကရှိ ကုမ္ပဏီ များနှင့် ကွာခြားသည်မှာ တရုတ် ကုမ္ပဏီများသည် အကျိုးအမြတ် တစ်ခုတည်းကိုသာ ကြည့်ရှုသည်။လူ့အခွင့်အရေး၊ လာဘ်ပေး လာဘ်ယူမှုနှင့် သဘာဝပတ်ဝန်း ကျင်ထိန်းသိမ်းရေးကို လုံးဝဂရု စိုက်ခြင်းမရှိပေ။ တရုတ်ပြည် အစိုးရအနေဖြင့် သူ့ပြည်တွင်းမှာ သာ လာဘ်ပေးလာဘ်ယူကိစ္စများ ကို ပြင်းပြင်းထန်ထန်အရေးယူ သော်လည်း ပြည်ပတွင် မည်သို့ မည်ပုံလုပ်ကိုင်နေသည်ကိုမူ လျစ်လျူရှုထားသည်။ ထို့ကြောင့် တရုတ်ကုမ္ပဏီများသည် သူတို့၏ စီးပွားရေးအင်ပါယာကို လျင်မြန် စွာချဲ့ထွင်လာနိုင်ပြီး ဥရောပနှင့် အမေရိကရှိ ကုမ္ပဏီများ၏ ဈေး ကွက်ကို အချိန်တိုအတွင်း ခြိမ်း ခြောက်လုယူလာနိုင်ခဲ့သည်။

မြန်မာနိုင်ငံသည်သိသာ ထင်ရှားသော သာဓကဖြစ်သည်။ နိုင်ငံတကာမှ စီးပွားရေးနှင့် ဘဏ္ဍာရေးပိတ်ဆို့မှုများကို အခွင့်ကောင်းယူကာ တရုတ်ကုမ္ပဏီများ အလုံး အရင်းဖြင့် ၀င်ရောက်လာကာ သယံဇာတတူးဖော်ရေး၊ တရား မ၀င်သစ်ခုတ်ခြင်း၊ သဘာဝပတ် ၀န်းကျင်ထိခိုက်စေမည့် ရေကာ တာဆောက်လုပ်ခြင်းနှင့် အခြား အကျိုးအမြတ်ရှိမည့် လုပ်ငန်းများကို အာဏာပိုင်အဆင့်ဆင့်သို့ လာဘ်ထိုးကာ လုပ်ပိုင်ခွင့်များရ ယူခဲ့ကြသည်။ ထိုအချိန်တွင် ဥရောပနှင့် အမေရိကရှိ ကုမ္ပဏီ များသည် မြန်မာနိုင်ငံနှင့် အလုပ် လုပ်ကိုင်ရန် ရှောင်ရှားခဲ့ကြသည်။ ၈၈ အရေးအခင်းနောက်ပိုင်း မြန် မာနိုင်ငံသို့ အစောဆုံးဝင်ရောက် ခဲ့သည့် Pepsi ၊ Heineken နှင့် Carlsberg ကုမ္ပဏီများသည် နိုင်ငံရေးဖိအားများကြောင့် မြန်မာနိုင်ငံမှ ပြန်လည်ထွက်ခွာသွားခဲ့ ကြသည်။

ဦးသိန်းစိန်အစိုးရတက်ပြီး နောက်ပိုင်း ပြုပြင်ပြောင်းလဲမှုများ ကို တွေ့မြင်လာသောအခါ ဥရောပနှင့် အမေရိကမှ ကုမ္ပဏီများ မြန်မာပြည်ကို ရင်းနှီးမြှုပ်နှံမှုများ ပြုလုပ်ရန် ပြန်လည်စိတ်ဝင်စား လာကြသည်။ သို့သော် ထိုအချိန် က မြန်မာနိုင်ငံအပေါ် စီးပွားရေး ပိတ်ဆို့မှုများ ရုပ်သိမ်းထားချိန် မဟုတ်သောကြောင့် ထိုကုမ္ပဏီ များ သတိကြီးစွာထားကြရသည်။

နိုင်ငံဒေသတစ်ခုချင်း၏ အလေ့ အထများ

နိုင်ငံတကာကုမ္ပဏီများ သည် နိုင်ငံတစ်ခုတွင် ရင်းနှီးမြှုပ် နှံမှုပြုလုပ်ရာတွင် နိုင်ငံဒေသတစ် ခုချင်း၏ အလေ့အထများကို အထူးဂရုပြုအာရုံစိုက်ကြသည်။ ကုမ္ပဏီများ၏ အဓိကရည်ရွယ်ချက်သည် သူတို့၏ ကုန်ပစ္စည်းနှင့် ၀န်ဆောင်မှုများကို နိုင်ငံတကာသို့ ဖြန့်ချိရေး ဖြစ်ပြီး ထိုသို့ပြုလုပ်ခြင်းဖြင့် အ မြတ်ငွေအများဆုံးရရှိရေး (Profit Maximization) နှင့် နိုင်ငံတကာ သို့ ပျံ့နှံ့ရောက်ရှိစေရေး (Inter-nationalization) မှစပြီး နောက် ဆုံးအစုရှယ်ယာရှင်များ၏ တန်ဖိုး တိုးမြှင့်ရေးကို အဓိကဦးတည်ကြ  သည်။ ထို့ကြောင့် အကျိုးအမြတ် ရနိုင်သည့် နိုင်ငံတိုင်းတွင် ရင်းနှီး မြှုပ်နှံမှုများပြုလုပ်လိုကြသည်။ အထူးသဖြင့် ဖွံ့ဖြိုးမှုနည်းပါးသေး သော မြန်မာနိုင်ငံလို နိုင်ငံများကို အပျိုစင်နိုင်ငံများအဖြစ် ပိုမိုစိတ် ၀င်စားကြသည်။ သို့သော် ထိုသို့ ရင်းနှီးမြှုပ်နှံခြင်းဖြင့် ထိုကုမ္ပဏီ များ၏ ပင်မလုပ်ငန်းများနှင့် သူ့ နိုင်ငံအစိုးရများ၏ ဒဏ်ခတ်မှုများ ကိုလည်း အထူးဂရုပြုကြရလေ သည်။

၂၀၁၂ ခုနှစ်တွင် ဗြိတိသျှ အခြေစိုက် HSBC Bank သည် မြန်မာနိုင်ငံအပါအ၀င် နိုင်ငံတကာမှ ဒဏ်ခတ်ထားသော အခြားနိုင် ငံများကို ဘဏ်လုပ်ငန်းဆိုင်ရာ ၀န်ဆောင်မှုများပေးခြင်းကြောင့် အမေရိကန်အစိုးရမှ ဒေါ်လာသန်းတစ်ထောင့်ကိုးရာကျော်ဒဏ်ခတ် ခြင်းကို ခံခဲ့ရသည်။

ထို့ကြောင့် ဥရောပနှင့် အမေရိကတိုက်မှ ကုမ္ပဏီများသည် နိုင် ငံတကာကို ထိုးဖောက်ဝင်ရောက်ရန်အတွက် နိုင်ငံတကာဥပဒေ များကို နားလည်ရုံမျှမက ဒေသ ဆိုင်ရာ  လုပ်ထုံးလုပ်နည်းများ၊ ဥပဒေများ၊ အလေ့အထများနား လည်သူများကို အကြံပေးအဖြစ် ခန့်အပ်ကာ ရင်းနှီးမြှုပ်နှံမှုများကို ဆောင်ရွက်ကြသည်။

ကျွန်တော်သည် စင်ကာပူ တွင် ၁၀ နှစ်တာမျှ ပညာသင် အလုပ်လုပ်ပြီးနောက် ကိုယ်ပိုင် စီးပွားရေးအကြံပေးလုပ်ငန်းတစ် ခုတည်ထောင်ကာ ၂၀၀၇ တွင် မြန်မာပြည်ပြန်လာပြီး လုပ်ငန်းခွဲတစ် ခုတည်ထောင်ခဲ့သည်။ စင်ကာပူ တွင် ဆယ်စုနှစ်တစ်ခုနေခဲ့ပြီး မြန် မာပြည်ပြန်ကာ လုပ်ငန်းတည် ထောင်ရာတွင် ပြဿနာပေါင်းစုံ ဖြင့် စတင်ကြုံတွေ့ရတော့သည်။ မီးမမှန်သဖြင့် မီးစက်များဝယ်ယူ ရခြင်း၊ အကြိမ်ကြိမ်လာရောက် အလှူခံသော ရပ်ကွက်မှ အဖွဲ့ အစည်းပေါင်းစုံနှင့် ဖုန်းလိုင်းများ ပြတ်တောက်ခြင်းမရှိဘဲ ပုံမှန်လိုင်းကောင်းနေစေရန် စက်ဘီးတစ်စီး နှင့် လှေကားကိုင်ထားသော သူများကို လစဉ်ကြေးများပေးရခြင်းမှစ ပြီး စိတ်ထင်တိုင်းပြောင်းနေသော ဥပဒေများကို ရင်ဆိုင်ရတော့ သည်။ စင်ကာပူတွင် နေခဲ့ရစဉ်က ထိုအဖြစ်အပျက်များ မကြုံတွေ့ခဲ့ ရသဖြင့် စစချင်းတွင် သူ့အရပ်နှင့်သူ့ဇာတ်အတိုင်း မလုပ်ဘဲ တင်းခံခဲ့သည်။ သို့သော် အလုပ်ထိခိုက် လောက်အောင် အခက်အခဲများ ပေါ်လာသောအခါမှ ဒေသအခြေ အနေအပေါ်မူတည်ပြီး အလေ့အ ထများအတိုင်းလုပ်မှသာ အောင် မြင်နိုင်မည်ဆိုသည်ကို သဘော ပေါက်မိသည်။

မြန်မာနိုင်ငံတွင် အကြီးအ ကျယ် ရင်းနှီးမြှုပ်နှံမှုလုပ်နေသည့် စင်ကာပူဆောက်လုပ်ရေးကုမ္ပဏီတစ်ခုမှ မြန်မာနိုင်ငံ၏ အထွေထွေမန်နေဂျာတစ်ယောက်နှင့် ဆွေး နွေးပွဲတစ်ခုတွင် ကြုံကြိုက်ခဲ့ရာမှ သူ့အတွေ့အကြုံကို ပြန်လည် ပြောပြခဲ့သည်။ အချိန်နဲ့အမျှ ချက်ချင်းပြောင်းလဲသွားတတ်သော၊ ခု တစ်မျိုးတော်ကြာတစ်မျိုးဖြစ်သွားတတ်သော မြန်မာပြည်ရှိ ဥပဒေ များနှင့် ပတ်သက်ပြီး ပထမပိုင်း တွင် စင်ကာပူမှ အုပ်ချုပ်ရေးအဖွဲ့ က သူ့ကို ဘာကြောင့် ဒီလိုဖြစ်ရ သည်ကို အမြဲဖြေရှင်းချက်တောင်း ကြောင်း၊ နောင်ကြာလာသောအ ခါ သြော်..ဒီလိုတော့ဖြစ်တတ်တာပဲ ဆိုပြီး ပြောင်းလဲတတ်သော ဥပဒေများကို မြန်မာပြည်တွင်း ရင်းနှီး မြှုပ်နှံမှုအတွက် ဖြစ်လာနိုင်သော ဆုံးရှုံးနိုင်မှုများအဖြစ် သတ်မှတ် ကာ အထူးတလည်အံ့သြမှုမပြကြ တော့ကြောင်း ရှင်းပြသည်။

နိုင်ငံခြားပြန်ရောဂါ

မြန်မာပြည်၏ တိုးတက် ပြောင်းလဲလာသော အခြေအနေ များကြောင့် နိုင်ငံရပ်ခြားတွင် နှစ် ပေါင်းများစွာ အလုပ်လုပ်၊ စီးပွား ရေးလုပ်နေကြသော မြန်မာများ မြန်မာပြည်ကို ပြန်လာကြပြီး လုပ်ငန်းများထူထောင်လာကြသည် ကို ပိုမိုတွေ့လာရသည်။ ထိုသို့ ပြန်လာကြသူများတွင် နိုင်ငံတကာ တွင်ရယူခဲ့သော အတွေ့အကြုံ များကို မြန်မာပြည်အခြေအနေ များဖြင့် ပေါင်းစပ်ပြီးလုပ်ငန်းများ ကို အောင်မြင်စွာလုပ်ကိုင်နိုင်သူ များရှိသကဲ့သို့ မြန်မာပြည်အခြေ အနေများကို ကောင်းကောင်းမ သုံးသပ်မိဘဲ နေထိုင်ခဲ့သည့် နိုင်ငံ ရပ်ခြားမှ အခြေအနေများအတိုင်း လုပ်ငန်းများလုပ်ကိုင်ကြည့်ရင်း အဆင်မပြေဖြစ်နေသူများကိုလည်း တွေ့ရသည်။ ထိုသူများသည် မြန်မာပြည်တွင် ဖြစ်ပေါ်နေသည့် အ ကြောင်းအရာအားလုံးကို သူတို့ ကျင်လည်ခဲ့သည့် နိုင်ငံခြားတိုင်း ပြည်များနှင့် စံထိုးကာ ပြစ်တင်ဝေ ဖန်နေကြသည်ကို တွေ့ရသည်။

အတွင်းနှင့် အပြင်

စီးပွားရေးလုပ်ငန်းများလုပ် ဆောင်ရာတွင် အဓိကအလေး ထားရမည့် အတွင်း နှစ်ချက်နှင့် အပြင် နှစ်ချက်ရှိသည်။ အတွင်း နှစ်ချက်ဆိုသည်မှာ ကိုယ့်လုပ်ငန်း၏ အားသာချက်များနှင့် အားနည်းချက်များ ဖြစ်သည်။ ကိုယ်ရောင်း ချမည့် ပစ္စည်းနှင့် ၀န်ဆောင်မှု များက ပြိုင်ဘက်များထက် ဈေး သက်သာခြင်း၊ အရည်အသွေး ကောင်းခြင်း၊ ၀န်ထမ်းများအရည် အချင်းပြည့်ဝခြင်းစသည့်အချက် များသည် အားသာချက်များ ဖြစ် သည်။ လုံလောက်သည့် အရင်း အနှီးမရှိခြင်း၊ ကိုယ့်လုပ်ငန်းကို လူသိနည်းခြင်းစသည့် အချက်များသည် အားနည်းချက်များ ဖြစ်သည်။လုပ်ငန်းအောင်မြင်စေရန် အား နည်းချက်များကို ပြုပြင်၍ အား သာချက်များကို ပိုမိုကောင်းမွန် လာအောင် ကြိုးစားရသည်။

ထို့အတူ အပြင်နှစ်ချက်ဖြစ် သော အခွင့်အလမ်းများနှင့် အ ခက်အခဲများသည်လည်း လုပ်ငန်းများအောင်မြင်မှုအတွက် အရေး ပါသည်။ မြန်မာပြည်၏ တိုးတက် ပြောင်းလဲလာသော အခြေအနေ များ၊ လူဦးရေ ၅၅ သန်းရှိသော ဈေးကွက်ယှဉ်ပြိုင်စရာ ကုန်ပစ္စည်းနှင့် ၀န်ဆောင်မှုများ များများစား စားမရှိသေးခြင်း စသည့်အချက် များသည် အခွင့်အလမ်းများဖြစ် ကြပြီး အသားမသေသေးသော အစိုးရသစ်၊ မတည်ငြိမ်သော မူဝါဒများနှင့် အခြေခံအဆောက် အအုံမပြည့်စုံမှုတို့သည် ကြုံတွေ့ ရနိုင်သည့် အခက်အခဲများဖြစ်ကြ သည်။

အတွင်း နှစ်ချက်သည် ကိုယ့်လုပ်ငန်းနှင့် သက်ဆိုင်ပြီး ကိုယ် တိုင်ပြုပြင်ပြောင်းလဲမှုဖြင့် ပိုမို ကောင်းမွန်လာအောင် စွမ်းဆောင်နိုင်သော်လည်း အပြင် နှစ်ချက် သည် ထိန်းချုပ်၍မဖြစ်နိုင်ပေ။ လေ့လာဆန်းစစ်ပြီး အခွင့်အလမ်း များကို အသုံးချကာ အခက်အခဲ များကို ကျော်လွှားနိုင်ရန် စီမံချက် များရေးဆွဲရသည်။ ထိုအချက်များ ကို မှန်မှန်ကန်ကန်မသုံးသပ်နိုင် လျှင် မည်မျှကောင်းမွန်နေသည့် လုပ်ငန်း၊ ၀န်ဆောင်မှုနှင့် ကုန် ပစ္စည်းဖြစ်ပါစေ ဈေးကွက်အ တွင်းမှ ကျရှုံးပျောက်ကွယ်သွား မည် ဖြစ်သည်။

ရောမရောက်လျှင်

ယခုခေတ်သည် စီးပွားရေး၊ လူမှုရေးနှင့် ယဉ်ကျေးမှုများဖြင့် တစ်နိုင်ငံနှင့် တစ်နိုင်ငံ ကူးလူး ဆက်ဆံလျက်ရှိသည်။ ရောမ ရောက်လျှင် ရောမလိုကျင့်ရမည် ဆိုသည့်စကားသည် တစ်နိုင်ငံနှင့် တစ်နိုင်ငံဓလေ့ထုံးတမ်းယဉ်ကျေးမှုများကို အလေးထားခြင်း ဖြစ် သည်။ ထိုဓလေ့ထုံးတမ်းယဉ် ကျေးမှုများနှင့် ပတ်သက်ပြီး ခရီး သွားလမ်းညွှန်မှစ၍ စီးပွားရေး ဆိုင်ရာ လမ်းညွှန်စာအုပ်များကို နိုင်ငံအလိုက်ထုတ်ပြန်ထားခြင်း များရှိသည်။ အထူးသဖြင့် စီးပွား ရေးလုပ်ငန်းများအနေဖြင့် နိုင်ငံ တစ်နိုင်ငံသို့ လုပ်ငန်းချဲ့ထွင်ရာ တွင် ထိုနိုင်ငံ၏ ဓလေ့ထုံးစံနှင့် အလေ့အထများကို အထူးဂရုပြု ဖို့ လိုအပ်သည်။ နိုင်ငံတကာတွင် နှစ်ပေါင်းများစွာ နေထိုင်လုပ်ကိုင် ခဲ့ကြသည့် မြန်မာလူမျိုးများ ပြည် တော်ပြန်ရာတွင် ထိုအချက်ကို အထူးဂရုပြုမိဖို့ လိုပါသည်။ နိုင်ငံ တကာတွင် နေထိုင်ခဲ့ကြသည့်သူ များဖြစ်သည့်အားလျော်စွာ ကိုယ့် မြေကိုယ့်ရေပြန်လာရာတွင် နိုင်ငံ တကာစံများနှင့် တိုင်းတာအလုပ် လုပ်ကိုင်မိ၍ ရောမရောက်ပြီး ရောမလိုမကျင့်မိသဖြင့် အရင်းအ နှီးများပြုတ်ကာ ကိုယ်ကျင်လည် ခဲ့ရာ နိုင်ငံများသို့ ပြန်ပြီး အလုပ် ခွင်ဝင်နေကြရသော ပြည်တော် ပြန်များကိုလည်း အများအပြား တွေ့မြင်နေရပေတော့သည်။

(7 Day Daily, 6 Feb 2017)