နာမည်တစ်လုံး

တစ်ရက် စီးပွားရေးအသင်းတစ်ခုမှ ဖိတ်ကြားသဖြင့် ရန်ကုန်တွင် ညစာစားပွဲတစ်ခုသို့ ရောက်ဖြစ်သည်။ စားပွဲဝိုင်းတစ်ဝိုင်းတွင် စီးပွားရေးလုပ်ငန်းရှင် ၁၀ ဦးခန့် နှင့် အတူတူထိုင်ရပြီး ထုံးစံအတိုင်း လိပ်စာကတ်များ အလဲအလှယ် လုပ်ကြသည်။ ကျွန်တော့်ဘေးတွင် ထိုင်နေသော စီးပွားရေးလုပ် ငန်းရှင်တစ်ဦးမှ ကျွန်တော့်လိပ်စာကတ်ကိုကြည့်ရင်း ခင်ဗျားကုမ္ပဏီက စီအီးအိုလား၊ ကျွန်တော် ခင်ဗျားတို့ ကုမ္ပဏီနဲ့ အလုပ်လုပ်နေတာ လေးနှစ်လောက်ရှိပြီ။ ပိုင်ရှင်ဘယ်သူလဲဆိုတာ မသိခဲ့ဘူး။ တွေ့ရတာ ၀မ်းသာပါသည်ဟု နှုတ်ဆက်ရင်း ကျွန်တော့်ကုမ္ပဏီမှ ၀န်ထမ်းများသည် အရည်အချင်းပြည့်ဝကြောင်း၊ လိုအပ်သမျှကို အကောင်းဆုံး ၀န်ဆောင်မှု ပေးနိုင်ကြောင်း ချီးမွမ်းပြောကြားလေ သည်။

ထိုလုပ်ငန်းရှင်နှင့် စကား ပြောအပြီးတွင် လုပ်ငန်းများလုပ်ကိုင်ရာတွင် လုပ်ငန်းရှင်နာမည် နှင့် လုပ်ငန်းနာမည်ကို ရှေ့တန်းတင်မှုပေါ်တွင် မူတည်ပြီး လုပ်ငန်းများ ရေရှည်တည်တံ့မှုနှင့် ပတ်သက်ပြီး ဆက်စပ်စဉ်းစားကြည့်မိ သည်။

မြန်မာပြည်မှ စီးပွားရေးလုပ်ငန်းအများစုသည် နိုင်ငံတကာမှ လုပ်ငန်းများနှင့် နှိုင်းယှဉ်လျှင် လုပ်ငန်းရှင်၏ နာမည်ကို ပိုမိုရှေ့တန်းတင်ပြီး အလုပ်လုပ်ကိုင်ကြသည်ကို တွေ့ရသည်။ ဒါကတော့ ဘယ်သူပိုင်တဲ့ဘဏ်၊ ဘယ်သူပိုင်တဲ့ လေကြောင်းလိုင်း၊ ဘယ်သူပိုင်သည့် ဆောက်လုပ်ရေးလုပ်ငန်း စသည်ဖြင့် လုပ်ငန်းနာမည်ထက် လုပ်ငန်းရှင်၏နာမည်ကို အဓိကထားကာ အလုပ်လုပ်ကိုင်ကြသည်။ နိုင်ငံတကာတွင် အောင် မြင်နေသော လုပ်ငန်းများကိုကြည့်လျှင် Citibank ပိုင်ရှင်၏ နာမည်ကို စဉ်းစား၍မရ၊ Microsoft ကို Bill Gates ထူထောင်ခဲ့သည် မှန် သော်လည်း လက်ရှိအုပ်ချုပ်နေသူမှာ နာမည်သိပ်မကြီးသည့် အိန္ဒိယမှ အမှုဆောင်အရာရှိချုပ်တစ်ဦး၊ နိုင်ငံတကာလေကြောင်းလိုင်းများသည် မည်သူပိုင်သည်ထက် ၀န်ဆောင်မှုနှင့် အန္တရာယ်ကင်းမှုကို မူတည်ပြီး သူ့ခရီးသည်နှင့်သူ ရှိကြသည်။ ထိုကုမ္ပဏီအများစုသည် ပိုင်ရှင်မည်သူဆိုသည်ထက် လုပ်ငန်းအမှတ်တံဆိပ်များကို ပိုမိုအလေးထားကြသည်။ လုပ်ငန်းအမှတ်တံဆိပ်ပေါ်မူတည်ပြီး ထိုလုပ်ငန်းများ၏ တန်ဖိုးကို သတ်မှတ်ထားသည်။ တစ်ကမ္ဘာလုံးတွင် တန်ဖိုးအရှိဆုံး အမှတ်တံဆိပ်အဖြစ် ၂၀၁၆ ခုနှစ်တွင် ဒေါ်လာ၁၄၆ ဘီလီယံခန့်ဖြင့် သတ်မှတ်ခံရသော Apple အမှတ်တံဆိပ်သည် သူ၏ CEO Steve Jobs ကွယ်လွန်သွားရုံဖြင့် တန်ဖိုးကျမသွားပေ။

မြန်မာပြည်တွင် လုပ်ငန်းရှင်တစ်ဦးဦး ကွယ်လွန်သွားလျှင်ဖြစ် ဖြစ်၊ အကြောင်းတစ်ခုခုကြောင့် အမည်နာမချို့ယွင်းသွားလျှင်ဖြစ် ဖြစ် ထိုသူနှင့်ဆက်စပ်ပြီး သူ၏ လုပ်ငန်းများပါ ထိခိုက်သွားတတ် သည်။

ပုဂ္ဂိုလ်နာမည်၏ အန္တရာယ်

------------------------------

တကယ်တော့ လူပုဂ္ဂိုလ်နာမည်နှင့် လုပ်ငန်းနာမည်ကို တွဲဖက်ထားခြင်းသည် စီးပွားရေးလုပ်ငန်းများတွင် အလွန်အန္တရာယ်များသည်။ ကုမ္ပဏီတစ်ခုသည် နှစ်ပေါင်းများစွာ အခြေပြုပြီးမှ အောင်မြင်မှုများရနိုင်သည်။ ထိုအောင်မြင်မှုများကို ဆက်လက်ထိန်းသိမ်းပြီး ပိုမိုတိုးတက်အောင်မြင်ရန် နောက်ထပ်နှစ်ပေါင်းများစွာ ထပ်မံရပ်တည်ရဦးမည် ဖြစ်သည်။ သို့သော် လူ့သက်တမ်းသည် အကန့်အသတ်ရှိသည်။ လုပ်ငန်းရှင်တစ် ဦးအနေနှင့် သူ၏လုပ်ငန်းကို ထာဝရဦးဆောင်၍ မရပေ။ ထိုအချိန်တွင် သူ၏လုပ်ငန်းထက် သူ၏အမည်က ရှေ့တန်းရောက်နေပါက သူကိုယ်တိုင် ဦးဆောင်အုပ်ချုပ်မှု မလုပ်နိုင်သည့်အချိန်တွင် လုပ်ငန်းများပါ တိုးတက်မှု ရပ်တန့်သွားတတ်ပြီး တဖြည်းဖြည်းနှင့် လုပ်ငန်းရပ်စဲသွားသည့် အဖြစ်မျိုးကို တွေ့ကြုံကြရသည်။

ကြီးထွားလာသည့် မိသားစုလုပ်ငန်းများ

--------------------------------------------

မြန်မာပြည်ရှိ စီးပွားရေးလုပ်ငန်းများကို လေ့လာကြည့်လျှင် လုပ်ငန်းကြီးကြီးသေးသေး မိသားစုလုပ်ငန်းများသဖွယ် လုပ်ကိုင်နေကြသည်ကို တွေ့ရသည်။ အဖေက အမှုဆောင်အရာရှိချုပ်ဖြစ်နေတတ်ပြီး အမေက ဘဏ္ဍာရေးကို အုပ်ချုပ်ကာ သားသမီးများက ဒါရိုက်တာနေရာများတွင် ၀င်ရောက်လုပ်ကိုင်နေကြပြီး နီးစပ်ရာ ဆွေမျိုးမိတ်သင်္ဂဟများကို အရေးပါသော ရာထူးနေရာများတွင် တာဝန်များ ပေးထားတတ်ကြသည်။ ဦးဆောင်သူတစ်ဦးဦး၏ အမြော် အမြင်နှင့် ကြိုးစားမှုကြောင့် လုပ်ငန်းများ ကြီးထွားတိုးတက်လာ သည့်တိုင်အောင် အဓိကနေရာများကို လူယုံများနှင့်သာ အုပ်ချုပ်တတ်ကြသည်။

နိုင်ငံတကာတွင်လည်း စီးပွားရေးလုပ်ငန်းများ အစပိုင်းတွင် မိသားစုလုပ်ငန်းများအဖြစ် စတင်လေ့ရှိကြပြီး တိုးတက်မှုအခြေအနေတစ်ခုအရောက်တွင် ကျွမ်းကျင်သူများကို ခန့်ထားကာ ပိုင်ဆိုင်မှု နှင့် စီမံခန့်ခွဲမှုကို သီးခြားခွဲခြားပြီး လုပ်ငန်းများကို တိုးတက်သည်ထက် တိုးတက်အောင်နှင့် ရေရှည်ရပ်တည်နိုင်အောင် လုပ်ဆောင် ကြသည်။ ထို့ကြောင့် လူပုဂ္ဂိုလ် နာမည်တစ်ခုခုကို ဦးတည်ထား၍မရဘဲ လုပ်ငန်း၏ အမည်နာမကိုသာ ရှေ့တန်းတင်ကြရသည်။

ပိုင်ဆိုင်မှုနှင့် စီမံအုပ်ချုပ်မှု

-----------------------------

လုပ်ငန်းစတင်ခဲ့သော လုပ်ငန်းပိုင်ရှင်အများစုသည် လုပ်ငန်းများကို အောင်မြင်တိုးတက်အောင် ရှေ့ဆောင်နိုင်ခဲ့ကြသော်လည်း လုပ်ငန်းအမှန်တကယ် ကြီးထွားလာသောအခါ တိုးတက်မှုကို ထိန်းသိမ်းထားနိုင်ရန်နှင့် ပိုမို အောင်မြင်လာနိုင်ရန် စီမံအုပ်ချုပ်မှုအပိုင်းတွင် အားနည်းချင်နည်း နိုင်သည်ကို သတိပြုမိဖို့လိုသည်။ နိုင်ငံတကာတွင် ထိုအခြေအနေမျိုးရောက်လာလျှင် သက်ဆိုင်ရာ နေရာအလိုက် ပြင်ပမှ အတွေ့အကြုံရှိသည့် အမှုဆောင်အရာရှိများကိုရှာကာ အုပ်ချုပ်စေပြီး မူလလုပ်ငန်းပိုင်ရှင်များသည် ရှယ်ယာပိုင်ရှင်များအဖြစ် ရပ်တည်ပြီး လုပ်ငန်းပိုင်ဆိုင်မှုနှင့် လုပ်ငန်းစီမံအုပ်ချုပ်မှုကို ခွဲခြားကာ စီမံအုပ်ချုပ်မှုတွင် ၀င်ရောက်စွက်ဖက်ခြင်း မလုပ်ကြတော့ပေ။ ထိုသို့လုပ်ကိုင်ရန်အတွက် အတွေ့အကြုံရင့်ကျက်သော ကျွမ်းကျင်ပညာရှင်များကို နိုင်ငံတကာအလုပ်အကိုင် ဈေးကွက်မှ အလွယ်တကူရှာဖွေ ရရှိနိုင်ပြီး လစာနှင့်အခွင့်အရေးများ ကောင်းကောင်းပေးကာ ခန့် ထားနိုင်ကြသည်။ ရှယ်ယာပိုင်ရှင်များနှင့် စီမံအုပ်ချုပ်သူအဖွဲ့သည် အထူးအထွေကိစ္စရပ်များမရှိလျှင် တစ်နှစ်လျှင် တစ်ကြိမ်ခန့်သာ ကုမ္ပဏီ၏ အထွေထွေအစည်းအဝေးတွင် တွေ့ဆုံပြီး လုပ်ငန်း၏ တိုးတက်မှု အခြေအနေကို တင်ပြဆွေးနွေးတတ်ကြသည်။

အငှားယာဉ်တစ်စီးမှမပိုင်ဘဲ ကမ္ဘာ့အကြီးဆုံး အငှားကား ကုမ္ပဏီအဖြစ် UBER ကို တည်ထောင်ခဲ့သော Travis Kalanick သည်သူ၏နာမည် ထိခိုက်မည့်ကိစ္စများ ဖြစ်ပေါ်လာသောအခါ CEO အဖြစ်မှ ၂၀၁၇ ဇွန်လတွင် နုတ်ထွက်ပေးပြီး သူ့နေရာကိုဆက်ခံသူကို ရှာစေခဲ့ကာ ကုမ္ပဏီနာမည်ကို အထိအခိုက်မခံခဲ့ပေ။ ထိုကဲ့သို့ ပိုင်ဆိုင်မှုနှင့် စီမံအုပ်ချုပ်မှု ခွဲခြားထားခြင်းကြောင့်လုပ်ငန်းကို ဦးဆောင်သူတစ်စုံတစ်ခုကြောင့်  လုပ်ငန်းမှ အနားယူရသည့်တိုင်အောင် အောင်မြင်နေသောလုပ်ငန်းများ ထိခိုက်မှုမရှိပေ။

မြန်မာပြည်တွင် ကြုံတွေ့ရသော အဓိကအခက်အခဲသည် အတွေ့အကြုံရှိ စီမံခန့်ခွဲနိုင်သော အမှုဆောင်အရာရှိများ ပြည်တွင်းတွင် လွယ်ကူစွာရှာဖွေခန့်ထားနိုင် ခြင်း မရှိသည့်အပြင် လုပ်ငန်းပိုင်ရှင်များ၏ အပြင်လူအပေါ် ယုံကြည်စိတ်ချမှု အားနည်းခြင်းများကိုလည်း တွေ့ရသည်။ စာရင်းအင်းဆိုင်ရာ တိကျမှုမရှိသည့်အတွက် လုပ်ငန်းများကို အပြင်လူစီမံခန့်ခွဲခိုင်းရာတွင် နိုင်ငံတကာကဲ့သို့ စာရင်းစစ်၏ အစီရင်ခံစာပေါ်မူတည်၍ လုပ်ငန်းကို ထိန်းကျောင်းမှုလုပ်ကိုင်၍မရသည့်အချက်သည်လည်း အဓိကကျသည်။ ထို့ကြောင့် မြန်မာပြည်မှ လုပ်ငန်းအများစု(အားလုံးနီးပါး) သည် နိုင်ငံတကာကို ထိုးဖောက်နိုင်ခြင်းမရှိဘဲ လုပ်ငန်းတည်ထောင်သူ ဦးဆောင်သူနောက်လိုက်ကာ ထိုသူမရှိလျှင် ရပ်ဆိုင်းသွားတတ်ကြသည်။

ပြောင်းလဲလာသော ခေတ်နှင့်သူငယ်နာမစင်သည့်လုပ်ငန်းကြီးများ

---------------------------------------------------------------------------

မြန်မာပြည်သည် နှစ်ပေါင်းဆယ်စုနှစ်ပေါင်းများစွာ နိုင်ငံတကာပိတ်ဆို့မှုများနှင့်အတူ စီးပွားရေးလုပ်ငန်းများအနေနှင့် နိုင်ငံတကာမှ လာရောက်ယှဉ်ပြိုင်မှုများ မရှိသလို ပြည်တွင်းမှ လုပ်ငန်းများလည်း နိုင်ငံတကာသို့ ထိုးဖောက်ဝင်ရောက်ဖို့ ခဲယဉ်းခဲ့သည်။ ခေတ်အဆက်ဆက်မှ အစိုးရများသည်လည်း ပြည်တွင်းလုပ်ငန်းရှင်များကို အကာအကွယ်ပေးကာ နိုင်ငံတကာမှ ၀င်ရောက်မယှဉ်ပြိုင်နိုင်အောင် ဥပဒေများဖြင့် စီမံပေးထားခဲ့ကြသည်။ နိုင်ငံတကာတွင် Infant Industries ခေါ် မွေးကင်းစ ပြည်တွင်းလုပ်ငန်းများ အားကောင်းမလာခင် ပြည်ပပြိုင်မှုများကို တားဆီးပေးထားတတ်ကြသည်။ သို့သော် အချိန်ကာလတစ်ခုထိသာဖြစ်ပြီး ထိုလုပ်ငန်း များအားကောင်းလာရန် အစိုးရမှအထောက်အပံ့ပေးကာ အရှိန်ရလာလျှင် ပြည်တွင်းတွင်လည်း ပြည်ပယှဉ်ပြိုင်ခြင်းကို ဖွင့်ပေးသလို ပြည်တွင်းလုပ်ငန်းများကိုလည်း ပြည်ပသို့ သွားရောက်ယှဉ် ပြိုင်စေခြင်းဖြင့် ကမ္ဘာ့အဆင့်မီ လုပ်ငန်းကြီး ထွက်ပေါ်လာကြသည်။

မြန်မာနိုင်ငံတွင် နှစ်ပေါင်း ဆယ်စုနှစ်များစွာ အစိုးရမှ နည်းမျိုးစုံနှင့် အကာအကွယ်ပေးထားသော်လည်း လုပ်ငန်းများသည် မွေးကင်းစအချိန် ကျော်လွန်၍ ရင့်ကျက်လာရမည့်အချိန် ရောက်သည့်တိုင်အောင် မွေးကင်းစများကဲ့သို့ နုနယ်နေကြဆဲဖြစ်သည်။ ထိုလုပ်ငန်းများသည် ပြောင်းလဲလာသော အစိုးရခေတ်တွင် နိုင်ငံတကာမှ လာရောက်ရင်းနှီးမြှုပ်နှံပြီး ယှဉ်ပြိုင်လာနိုင်သည့် လုပ်ငန်းများကို အရင်အစိုးရများနည်းတူ ပိတ်ဆို့တားဆီးကာ ပြည်တွင်း၌ ဆက်လက် လက်ဝါးကြီးအုပ်ကာ ဈေးကွက်ကို ဦးစီးထား လိုဟန်ရှိကြသည်။

တကယ်တိုင်းပြည်တိုးတက်ရေးအတွက် ပြည်တွင်း၌သာ စီးပွားရေးလုပ်ငန်းများ လည်ပတ်နေရုံမျှနှင့် မလုံလောက်ဘဲ ပြည်ပမှ အရင်းအနှီးများနှင့် တကယ့်စီးပွားရေးလုပ်ငန်းများကို ပြည်တွင်းသို့ ၀င်ရောက်ရင်းနှီးမြှုပ်နှံစေရန် လို အပ်ပြီး ပြည်တွင်းမှ လုပ်ငန်းများသည်လည်း ပြည်ပသို့သွားရောက် ယှဉ်ပြိုင်နိုင်ဖို့ လိုသည်။ လက်ရှိအချိန်တွင် နိုင်ငံတကာစီးပွားရေး ပိတ်ဆို့မှုများလည်း ရုပ်သိမ်းလိုက်ပြီဖြစ်သဖြင့် မြန်မာပြည်မှ စီးပွားရေးလုပ်ငန်းများသည် လက်ရှိ စီမံခန့်ခွဲမှုပုံများ အမြန်ပြောင်းလဲကာ တကယ့်ကျွမ်းကျင်သူများကို စီမံခန့်ခွဲအုပ်ချုပ်ရန် ခန့်ထားနိုင်ခြင်းမရှိပါက နိုင်ငံတကာပြိုင်ဆိုင်မှုကို မယှဉ်နိုင်ဘဲလုပ်ငန်းများ ရပ်ဆိုင်းသွားနိုင်ကြောင်း။        ။

(7 Day Daily, 9 Sep 2017)

အနာဂတ်တွင်

စင်ကာပူမှ သတင်းစာများကို ဖတ်ရင်း စိတ်ဝင်စားစရာ သတင်းတစ်ပုဒ်ကို တွေ့မိသည်။ စင်ကာပူမှ Smart Nation Ini-tiative ကို တာဝန်ယူထားရသော ဝန်ကြီးတစ်ပါးဖြစ်သူ Vivian Ba-lakrishnan မှ စင်ကာပူတွင် ကျင်းပသော ခြောက်ကြိမ်မြောက် နိုင်ငံတကာသိပ္ပံနှင့် နည်းပညာ ပြိုင်ပွဲဖွင့်ပွဲတွင် ပြောလိုက်သော စကားတစ်ခွန်းဖြစ်သည်။ စတုတ္ထ စက်မှုနှင့် နည်းပညာတော်လှန် ရေး (Fourth Industrial Revolu-tion)၏ အရုဏ်ဦးနောက်ပိုင်းတွင် အပြောင်းအလဲများစွာ အလျင်အ မြန် ဖြစ်ထွန်းလာနိုင်ပြီး ယခုအချိန်တွင် မူလတန်းတက်ရောက်နေ သော ကလေးများသည် နောင်အ ရွယ်ရောက်လာပြီး အလုပ်ဝင် သောအခါ ယခုလက်ရှိတွင် ရှိမနေသော အလုပ်များ အနာ ဂတ်တွင် ပေါ်ပေါက်လာမည်ဖြစ် သဖြင့် ယခုကတည်းက ကြိုတင် ပြင်ဆင်ထားရန် ဖြစ်သည်။ ယခု လက်ရှိ အခြေအနေတွင် နည်း ပညာများ၏ တိုးတက်ပြောင်းလဲ လာမှုကြောင့် လက်ရှိအလုပ်အ ကိုင်အများအပြားသည် ဆယ်စု နှစ် သိပ်မကြာခင်တွင် ကွယ် ပျောက်သွားနိုင်ခြေရှိကြောင်းနှင့်ယခုလက်ရှိအချိန်တွင် ရှိမနေသည့် အလုပ်အကိုင်များ နောင်တစ်ချိန်တွင် ပေါ်ပေါက်လာမည်ဖြစ်သဖြင့် အနာဂတ်အတွက် ကြိုတင်ပြင်ဆင်ထားရန် လိုအပ် ကြောင်း အသိပေးလိုက်ခြင်းဖြစ်သည်။

စတုတ္ထစက်မှုနှင့် နည်းပညာတော် လှန်ရေး (Fourth Industrial Revolution)

ပထမ စက်မှုတော်လှန်ရေး သည် ၁၈ ရာစုနှင့် ၁၉ ရာစုတွင် ဥရောပနှင့် အမေရိကတွင် ရေနွေးငွေ့အင်ဂျင်ကို စတင်တီထွင် နိုင်ခဲ့ပြီး လယ်ယာစိုက်ပျိုးရေးမှ စက်မှုလုပ်ငန်းများ ထွန်းကားခြင်း ဖြင့် စတင်ခဲ့သည်။ ဒုတိယ စက်မှု တော်လှန်ရေးသည် ၁၉ ရာစုအ ကုန် စတီး၊ ရေနံနှင့် လျှပ်စစ်နည်း ပညာများ စတင်တွေ့ရှိရာမှ အစု လိုက်၊ အပြုံလိုက် ထုတ်လုပ်ရေး (Mass Production) နှင့် အခြေခံ အဆောက်အအုံ တည်ဆောက် ရေးများ ထွန်းကားလာခဲ့ပြီး ကူး သန်းသွားလာရေးလုပ်ငန်းများကို အထောက်အကူပြုခဲ့သည်။ တယ်လီဖုန်းနည်းပညာကို စတင်တွေ့ ရှိခဲ့ပြီး ဆက်သွယ်ရေးကဏ္ဍတိုး တက်ရေးကို အထောက်အကူပြု နိုင်ခဲ့သည်။ တတိယစက်မှုတော် လှန်ရေးကို ဒစ်ဂျစ်တယ်နည်း ပညာတော်လှန်ရေးအဖြစ် ရည် ညွှန်းပြီး ၂၀ ရာစုနှစ်တွင် ကွန်ပျူ တာနည်းပညာ၊ အင်တာနက်တို့ ဖြင့် ကမ္ဘာကြီးတစ်ခုလုံးကို နိုင်ငံ၊ ဒေသအလိုက် ခွဲခြားထားသည့် တံတိုင်းများကို ပယ်ဖျက်ပေးခဲ့ပြီး စက္ကန့်ပိုင်းအတွင်း သတင်းအချက်အလက်၊ နည်းပညာများ ပြန့်ပွား စေကာ ကမ္ဘာကြီးကို ရွာကြီးတစ် ရွာသဖွယ် ပေါင်းစည်းပေးနိုင်ခဲ့ သည်။

စတုတ္ထစက်မှုနှင့် နည်းပညာ တော်လှန်ရေးတွင် တိုးတက်လာ သော နည်းပညာများကို အခြေခံ ပြီး လူမှုဆက်ဆံရေးနှင့် ပဋိပက္ခ များ ဖြေရှင်းရေးအတွက် အရေး ပါသော အခွင့်အလမ်းများကို ဖြစ်ပေါ်စေသည်ဟု ထိုအကြောင်းကို စတင်ချပြခဲ့သော ကမ္ဘာ့စီးပွားရေး ဆွေးနွေးပွဲ (World Economic Forum) ကို တည်ထောင်ခဲ့သူ ပရော်ဖက်ဆာ Klaus Schwab က သူ၏စာအုပ်တွင် ဖော်ပြခဲ့ သည်။ ထိုနည်းပညာများထဲတွင် စက်ရုပ်နည်းပညာ၊ ဉာဏ်ရည်အ တုများ၊ ဇီဝဗေဒ၊ နာနိုနည်းပညာ (Nanotechnology)၊ အင်တာ နက်၊ သုံးဖက်မြင် ပုံနှိပ်ထုတ်ဝေ ခြင်းနှင့် မောင်းသူမဲ့ယာဉ် နည်း ပညာများ ပေါင်းစပ်ပါဝင်သည်။ နည်းပညာ မြင့်မားလာမှုများ ကြောင့် လူနေမှု လုပ်ငန်းဆောင် တာများနှင့် အလုပ်အကိုင်အခြေ အနေများ တိုးတက်ပြောင်းလဲလာ ကာ လူများနှင့် လုပ်ကိုင်နေသော နေရာများတွင် ဉာဏ်ရည်အတု နည်းပညာများနှင့် အစားထိုးလုပ် ကိုင်လာရင်း ပိုမိုစွမ်းဆောင်ရည် မြင့်မားလာခြင်းနှင့် စရိတ်စက သက်သာလာခြင်းနှင့်အတူ တခြားဘေးထွက်ဆိုးကျိုးများအဖြစ် အ ခြေခံလူတန်းစားအများစု အလုပ် လက်မဲ့ဖြစ်လာနိုင်မည့် အခြေအ နေများနှင့်လည်း ကြုံတွေ့နေရ ပေသည်။

အနာဂတ်၏ အဓိကအပြောင်းအလဲများ၏ ရိုတ်ခတ်မှု

-----------------------------------------------------------

မောင်းသူမဲ့ယာဉ်နှင့် နည်း ပညာများသည် ယာဉ်မောင်းအ လုပ်ဖြင့် အသက်မွေးဝမ်းကျောင်း ပြုနေသော ဝန်ထမ်းသန်းပေါင်း များစွာကို အလုပ်လက်မဲ့ဖြစ် သွားစေမည်ဖြစ်သည်။ မကြာ သေးမီက CNN သတင်းတစ်ပုဒ် တွင် မောင်းသူမဲ့လေယာဉ်များ ဖြင့် လေယာဉ်မှူးများကို အစား ထိုးခြင်းဖြင့် လေကြောင်းလိုင်း များအနေဖြင့် တစ်နှစ်ကို ဒေါ်လာ သန်းသုံးသောင်းငါးထောင်ခန့် စရိတ်သက်သာစေနိုင်ကြောင်း ဖတ်လိုက်ရသည်။ ထိုနည်းပညာ တိုးတက်မှုသည် သက္ကရာဇ် ၂၀၂၅ တွင် စတင်လာနိုင်ပြီး ၂၀၃၀ အရောက်တွင် ခရီးသည် တင် လေယာဉ်များအထိ အသုံး ပြုသွားနိုင်ဖွယ်ရှိသည်ဟု ခန့်မှန်း ထားသည်။ ထိုအခြေအနေမျိုး တွင် ယခုလက်ရှိ၌ ဂုဏ်သရေ ရှိရှိ လစာမြောက်မြားစွာဖြင့် အ လုပ်လုပ်ကိုင်နေသော လေယာဉ် မှူးများနှင့် သူတို့နှင့်ဆက်စပ်၍ လေယာဉ်သင်တန်းကျောင်းများ ၏ အခန်းကဏ္ဍသည် မှေးမှိန်သွား မည်ဖြစ်ပြီး လက်ရှိလေယာဉ်မှူး များ၏ အလုပ်အကိုင်များ အလို အလျောက် ပျောက်ကွယ်သွား မည်ဖြစ်သည်။ လက်ရှိတွင် မောင်းသူမဲ့ကား နည်းပညာများ တိုးတက်ဖြစ်ထွန်းလာပြီး စမ်းသပ်မှုအဆင့် မှ လက်တွေ့အသုံးချနေသည့် ခေတ်သို့ ရောက်ရှိလာပြီဖြစ် သည်။ မဝေးတော့သည့် အနာ ဂတ်တွင် လက်ရှိ ယာဉ်မောင်းဖြင့် အသက်မွေးနေကြသော သန်း ပေါင်းများစွာသော ယာဉ်မောင်း အလုပ်အကိုင်များ များမကြာမီ တွင် ကွယ်ပျောက်သွားရန်ရှိသည်။

ဂျပန်နိုင်ငံတွင် ဝန်ထမ်းရှား ပါးမှုကြောင့် ဟိုတယ်များတွင် ဧည့်ကြိုများကို ၂၀၁၅ ခုနှစ်က စတင်ပြီး စက်ရုပ်များဖြင့် အစား ထိုးခန့်ထားလျက်ရှိသည်။ အောင် မြင်မှုကျယ်ကျယ်ပြန့်ပြန့်ရှိမလာ သေးသည့်တိုင် နည်းပညာတိုး တက်လာသည်နှင့်အမျှ နောက် ပိုင်းတွင် ဟိုတယ်ဧည့်ကြိုအလုပ် များနှင့် တခြားဝန်ဆောင်မှုလုပ် ငန်းများတွင်ပင် စက်ရုံများနှင့် အစားထိုးသွားရန်ရှိသည်။ စက်ရုပ် နှင့် ချက်ပြုတ်ကြော်လှော်ပေး သော မှတ်ဉာဏ်တုကို အသုံးပြု ထားသည့် စားသောက်ဆိုင်များ လည်း ကျယ်ကျယ်ပြန့်ပြန့် အောင်မြင်နေကြပြီဖြစ်သည်။ ကာမစပ် ယှက်မှုတွင်ပါ အမျိုးသား၊ အမျိုး သမီးပုံတူရုပ်တုများ အသုံးပြုမှု များပြားလာသည့်အလျောက် လူ တစ်ယောက်ကဲ့သို့ သွားလာပြော ဆိုနိုင်သည့် စက်ရုပ်များ တိုးတက် လာသည်နှင့်အမျှ ထိုစက်ရုပ်များ အသုံးပြု၍ ကာမဆက်ဆံမှုသည် လူ့ကျင့်ဝတ်ကို ထိခိုက်နိုင်ကြောင်း စတင်အငြင်းပွားလျက်ရှိသည်။

၂၀၁၆ အမေရိကန်သမ္မတ ရွေးကောက်ပွဲတွင် ရုရှားမှ ဟတ် ကာများ ဝင်ရောက်နှောင့်ယှက်မှု ကြောင့် သမ္မတအဖြစ် ရေပန်းစား နေသော ဟီလာရီကလင်တန်ရှုံး နိမ့်ခဲ့ရသည်ဟု ယခုထက်တိုင် လက်ခံပြီး စုံစမ်းစစ်ဆေးမှုများ ပြုလုပ်လျက်ရှိသည်။ ထိုကဲ့သို့ ပြောင်းလဲတိုးတက်နေသည့် နည်းပညာများသည် စီးပွားရေးလုပ် ငန်းများကိုသာမက နိုင်ငံရေး၊ လူ မှုရေးနှင့် အခြေခံလူတန်းစားများ ၏ အလုပ်အကိုင်များကိုပါ ခြိမ်း ခြောက်လျက်ရှိသည်။ ယခုခေတ် လူများသည် နည်းပညာများကို အားကိုးမှုလွန်ကဲကာ တစ်ချိန်ချိန် တွင် နည်းပညာများကြောင့် ဒုက္ခ ရောက်နိုင်သည် (သို့မဟုတ်) ယခု ထက် ပိုမိုတိုးတက်လာနိုင်သည် ဆိုသည်ကို နည်းပညာများ၏ ရှေ့ဆောင်နှစ်ဦးဖြစ်သော Facebook ကို တည်ထောင်သူ Mark Zuck-erberg နှင့် Tesla နှင့် SpaceX ကို တည်ထောင်သူ Elon Musk တို့ မကြာခင်အချိန်က လူသိရှင် ကြား အငြင်းပွားခဲ့ကြသည်။

ဉာဏ်ရည်တု၏ ကောင်းကျိုးနှင့် ဆိုးကျိုး

----------------------------------------------

ဉာဏ်ရည်တုနှင့်ပတ်သက် ပြီး တစ်ချိန်ချိန်တွင် လူများကို အ ကြီးအကျယ်ရိုက်ခတ်ကာ တစ်ချိန်က နာမည်ကြီးခဲ့သော Ter-minator ဇာတ်ကားထဲကကဲ့သို့ လူမျိုးနွယ်တစ်ခုလုံး မျိုးတုံးသွား သည်အထိ အန္တရာယ်ရှိနိုင် ကြောင်း Elon Musk က စတင် ပြောကြားခဲ့သည်။ ဉာဏ်ရည်တု များသည် အဆင့်အတန်းမြင့်မား လာသည်နှင့်အမျှ တစ်ချိန်ချိန် တွင် လူများ၏ ထိန်းချုပ်မှုအောက် မှ လွတ်မြောက်သွားကာ လူများ ကို ပြန်လည်၍ အန္တရာယ်ပြုနိုင် ကြောင်း ရှင်းပြခဲ့သည်။

Mark Zuckerberg က တော့ ထိုသို့ စိုးရိမ်မှုသည် အလွန် အကျွံတွေးတောရာရောက်ပြီး ဉာဏ်ရည်တုများသည် လူများ၏ ထိန်းချုပ်မှုအောက်မှ လွတ် မြောက်ဖို့ဆိုသည်မှာ မဖြစ်နိုင် ကြောင်း ပြန်လည်ပြောကြားရင်း လူသိရှင်ကြား အငြင်းပွားလျက်ရှိ ကြသည်။

မည်သို့ပင်ဆိုစေကာမူ Elon Musk ၏ Testa မောင်းသူမဲ့ လျှပ် စစ်ကားနှင့် Mark Zuckerberg ၏ Facebook တို့သည် ဉာဏ် ရည်တုနည်းပညာများဖြင့် အသုံး ချကာ သူတို့၏ လုပ်ငန်းများကို တိုးတက်သည်ထက် တိုးတက် အောင် လုပ်ဆောင်နေကြသည်။

မြန်မာနိုင်ငံအတွက်အနာဂတ်တွင်

--------------------------------------

နိုင်ငံတကာတွင် ဖြစ်ပေါ် ပြောင်းလဲလျက်ရှိသော နည်း ပညာတိုးတက်မှုများသည် မြန်မာ နိုင်ငံအနေနှင့်ကြည့်လျှင် အလှမ်း ကွာဝေးသည်ဟု ထင်ကောင်း ထင်နိုင်ခြေရှိသည်။ မြန်မာနိုင်ငံ တွင် မောင်းသူမဲ့ကားများအတွက် အခြေခံ အဆောက်အအုံဖြစ် သည့် လမ်းများကအစ နိုင်ငံ တကာအဆင့်မီဖြစ်ရန် နှစ်ပေါင်း ဆယ်စုနှစ်များစွာ တည်ဆောက်ဖို့ လိုအပ်နေပေသည်။ သို့ဖြစ်၍ မောင်းသူမဲ့ ကားများကြောင့် ယာဉ်မောင်းများ အလုပ်လက်မဲ့ ဖြစ်ရန် လက်ရှိအချိန်တွင် စိုးရိမ် ဖွယ်ရာမရှိသေးပေ။ သို့သော် လွန်ခဲ့သည့် စက်မှုတော်လှန်ရေး ကာလများအတွင်း ဥရောပနှင့် အမေရိကမှ နည်းပညာများ နိုင်ငံ တကာသို့ ပျံ့နှံ့ရန် နှစ်ပေါင်းများ စွာ ကြာခဲ့သော်လည်း လက်ရှိဖြစ် ပေါ်နေသည့် နည်းပညာတော် လှန်ရေးသည် တစ်ကမ္ဘာလုံးသို့ တစ်ပြိုင်တည်း ရိုတ်ခတ်လျက်ရှိ သည်။ ထို့အတွက် နိုင်ငံတကာမှ အစိုးရများ (အထူးသဖြင့် ဖွံ့ဖြိုး ပြီးနိုင်ငံများ) မှနေပြီး အစိုးရ၏ မဟာဗျူဟာတစ်ရပ်အနေနှင့် ကလေးငယ်များမှစ၍ ပညာရေး ကို အနာဂတ်အတွက် အသင့်ပြင် ဆင်နိုင်ရန် စီမံကိန်းများဖြင့် အ ကောင်အထည်ဖော်လျက်ရှိပေ သည်။ မြန်မာနိုင်ငံ အစိုးရအနေ နှင့် အနာဂတ်အတွက် ယခုမှ စတင်၍ မပြင်ဆင်ထားနိုင်ပါက နောင်ဆယ်စုနှစ်များစွာတွင် ပျောက်ကွယ်သွားမည့် အလုပ်အ ကိုင်များနှင့် အသစ်ပေါ်ပေါက် လာမည့် နည်းပညာများကို နောက်မှလိုက်ရင်း နိုင်ငံသားတစ် ဦးချင်းဖြစ်စေ၊ နိုင်ငံအလိုက်ဖြစ် စေ နောက်ကျကျန်ခဲ့နိုင်ပါကြောင်း။

(7 Day Daily, 14 Sep 2017)