လူထုအားဖြင့်

မကြာသေးမီက ကျင်းပသွားသော မလေးရှား အထွေထွေရွေးကောက်ပွဲ မတိုင်ခင် စင်ကာပူရှိရုံးတွင် အလုပ်လုပ်လျှက်ရှိသော မလေးဝန်ထမ်းများမှ မလေးရှားသို့ပြန်ပြီး ဆန္ဒမဲပေးလိုသည့်အတွက် ခွင့်ပေးရန် လာရောက်တောင်းဆိုကြသည်။ ထို့ ကြောင့် မလေးရှား ရွေးကောက်ပွဲရက်ကို ကြည့်လိုက်ရာ အံ့အားသင့်သွားမိသည်။ ပုံမှန် ရွေးကောက်ပွဲများကို ရုံးပိတ်ရက်များတွင်သာ ကျင်းပလေ့ရှိပြီး ၂၀၁၈ မလေးရှား အထွေထွေရွေးကောက်ပွဲသည် ကြားရက်ဖြစ်သော ဗုဒ္ဓဟူးနေ့ ၂၀၁၈ မေလ ၉ ရက်နေ့ ဖြစ်နေကြောင်း တွေ့ လိုက်ရသည်။ စင်ကာပူရုံးတွင်ရှိသော မလေးလူမျိုး အားလုံးနီးပါး မလေးရှားသို့ပြန်ပြီး ဆန္ဒမဲပေးရန် စိတ်အားထက်သန်နေသည်ကို သိလိုက်ရပြီး သူတို့ကို သီးခြားခွင့်ပေးရန် HR မန်နေဂျာကို အကြောင်းကြားလိုက်သည်။ တစ်ချိန်ထဲလိုလို သတင်းစာများတွင် မလေးရှား အထွေထွေရွေးကောက်ပွဲကာလအတွင်း နယ်စပ်မှတစ်ဆင့် မလေးရှားနိုင်ငံသားများ အလုံးအရင်းနှင့် ပြန်ကာ ဆန္ဒမဲပေးနိုင်သဖြင့် ထိုကာလအတွင်း စင်ကာပူနိုင်ငံသားများ အကြောင်းမရှိပါက နယ်စပ်ဖြတ်ကျော်ပြီး မလေးရှားနိုင်ငံအတွင်းသို့  သွားရောက်ခြင်းမပြုရန် အကြံပေးချက် ထုတ်ပြန်ထားသည်ကို တွေ့လိုက်သည်။ စင်ကာပူတွင် မလေးရှားနိုင်ငံသား လေးသိန်းကျော် အလုပ်လုပ်လျှက်ရှိပြီး မည်သူမှ စာတိုက်ကဖြစ်စေ၊ စင်ကာပူရှိ မလေးရှားသံရုံးမှဖြစ်စေ ဆန္ဒမဲပေးလိုစိတ်မရှိကြဘဲ နိုင်ငံပြန်ပြီး မဖြစ်မနေ ဆန္ဒမဲပေးလိုကြကြောင်း နှင့် စင်ကာပူမှ ကုမ္ဗဏီလုပ်ငန်း အများစုမှလည်း မလေးရှားနိုင်ငံသား ဝန်ထမ်းများ၏ ဆန္ဒကို လိုက်လျောကာ မလေးရှားနိုင်ငံသို့ပြန်ပြီး ဆန္ဒမဲပေးရန် ခွင့်များ ပေးကြကြောင်း နောက်ပိုင်းတွင် သိရှိရသည်။

ထိုသို့ မလေးရှားနိုင်ငံသားများ စိတ်အားထက်သန်နေကြခြင်းသည် လက်ရှိအာဏာရ ဝန်ကြီးချုပ် နာဂျစ်ရာဇတ် အစိုးရအဖွဲ့၏ လူသိရှင်ကြား အဂတိလိုက်စားမှုများနှင့် အထွေထွေရွေးကောက်ပွဲအပေါ် မသမာမှုများဖြင့် ပြန်လည်အနိုင်ရရန် ကြိုးပမ်းမှုများကြောင့် ဖြစ်သည်။ ထို့ကြောင့် စင်ကာပူရောက် မလေးရှားနိုင်ငံသား လေးသိန်းကျော် နှင့် နိုင်ငံတကာရောက် မလေးရှားနိုင်ငံသားများ ဆန္ဒမဲပေးခွင့် အခက်ကြုံစေရန် အထွေထွေရွေးကောက်ပွဲကို ကြားရက်ဖြစ်သော ဗုဒ္ဓဟူးနေ့တွင် ကျင်းပခြင်းဖြစ်သည်။ မလေးရှားနိုင်ငံသို့ လာရောက်ဆန္ဒမဲပေးရန် နိုင်ငံခြားရောက် မလေးရှားနိုင်ငံသားများ အလုပ်မှ ခွင့်ရက်ရှည်ယူကြရမည် ဖြစ်သဖြင့် အများစုလာရောက် ဆန္ဒမဲပေးမည်မဟုတ်ဟု တွက်ဆခဲ့ပုံရသည်။ သို့သော် ထိုတွက်ကိန်းမှားသွားခဲ့ပြီး မလေးရှားနိုင်ငံသားများ ဆန္ဒမဲပေးခွင့်ရှိသူများမှ လာရောက်မဲပေးမှု စံချိန်တင်၍ ၈၀ ရာခိုင်းနှုန်းကျော်ခဲ့ကာ ရွှေးကောက်ပွဲအပြီးတွင် မလေးရှားနိုင်ငံ၏ ဝန်ကြီးချုပ်ဟောင်း မဟာသီယာမိုဟာမက် ဦးဆောင်သော အတိုက်အခံညွန့်ပေါင်းအဖွဲ့ အနိုင်ရရှိကာ နာဂျစ်ရာဇတ် အရေးနိမ့်ခဲ့သည်။

မလေးရှားနိုင်ငံရေး အရှုပ်တော်ပုံ
---------------------------------
မလေးရှားနိုင်ငံသည် ၁၉၅၇ တွင် ဗြိတိသျှတို့ထံမှ လွတ်လပ်ရေးရခဲ့ပြီးချိန်မှစ၍ UMNO ခေါ် (United Malays National Organization) မှ ဦးဆောင်သည့် ညွန့်ပေါင်းအဖွဲ့မှ ရွေးကောက်ပွဲတိုင်း အနိုင်ရရှိကာ နိုင်ငံတော်အာဏာကို လွှမ်းမိုးချုပ်ကိုင်နိုင်ခဲ့သည်။ ထိုအချိန်က အင်အားကြီးမားသော အတိုက်အခံပါတီဟူ၍ မရှိခဲ့ပေ။ ၁၉၈၁ တွင် မဟာသီယာမိုဟာမက် ဝန်ကြီးချုပ်အဖြစ် ရွေးကောက်ခံရပြီးနောက်ပိုင်းတွင် စီးပွားရေး ပြုပြင်ပြောင်းလဲမှုများကို သိသိသာသာ လုပ်ကိုင်ခဲ့ပြီး မလေးရှားနိုင်ငံသည် အရှေ့တောင်အာရှတွင် စီးပွားရေးအရ နံပါတ် ၄ အဆင့်သို့ရောက်ရှိခဲ့ပြီး ကမ္ဘာအတိုးတက်ဆုံး စီးပွားရေး အဆင့်တွင် ၃၈ ခု မြောက်အထိ တိုးတက်လာခဲ့သည်။ ၁၉၈၂ တွင် ဝန်ကြီးချုပ် မဟာသီယာသည် ထိုအချိန်က ထင်ပေါ်လာသော လူငယ်အစ္စလမ်မစ်အဖွဲ့တစ်ခု၏ တည်ထောင်သူ ခေါင်းဆောင်တစ်ဦးဖြစ်သော အန်ဝါအီဗရာဟင်ကို UMNO အဖွဲ့အတွင်းသို့ ဝင်ရောက်ရန် စည်းရုံးနိုင်ခဲ့သည်။ အန်ဝါအီဗရာဟင်သည် အရေးပါသော ဝန်ကြီးဌာနများကို (၁၉၈၃ တွင် လူငယ်၊ ယဉ်ကျေးမှုနှင့် အားကစားဝန်ကြီးအဖြစ် လည်းကောင်း၊ ၁၉၈၄ တွင် လယ်ယာစိုက်ပျိုးရေးဝန်ကြီးအဖြစ် လည်းကောင်း၊ ၁၉၈၆ တွင် ပညာရေးဝန်ကြီးအဖြစ် လည်းကောင်း၊ ၁၉၉၁ တွင် ဘဏ္ဍာရေးဝန်ကြီးအဖြစ် လည်းကောင်း) တာဝန်ယူခဲ့ရပြီး ၁၉၉၃ တွင် လက်ထောက်ဝန်ကြီးချုပ်အဖြစ် ရွေးကောက်တင်မြှောက်ခြင်းခံခဲ့ရသည်။ အန်ဝါ ဘဏ္ဍာရေးဝန်ကြီးအဖြစ် တာဝန်ထမ်းဆောင်ခဲ့ချိန်တွင် မလေးရှားနိုင်ငံ၏ စီပွားရေးသည် အရှိန်အဟုန်ဖြင့် တိုးတက်ခဲ့သည်။ မူလက မဟာသီယာ အနေနှင့် အန်ဝါကို သူ၏အရိုက်အရာ ဆက်ခံမည့်သူအဖြစ် ရည်ရွယ်ခဲ့သော်လည်း ၁၉၉၇ တွင်ဖြစ်ပွားခဲ့သော အာရှဘဏ္ဍာရေး အကျပ်အတည်းတွင် ချဉ်းကပ်ပုံ အယူအဆ မတူညီမှုများကြောင့် ပဋိပက္ခ စတင်ဖြစ်ပွားခဲ့သည်။ မဟာသီယာ၏ နီးစပ်ရာ အသိမိတ်ဆွေများ (ခရိုနီများ) ကို နိုင်ငံတော်၏ လုပ်ကိုင်ခွင့်များချပေးခြင်း၊ ဈေးကွက်စီးပွားရေးကို နိုင်ငံတော်မှ ဝင်ရောက်စွက်ဖက်ခြင်းတို့ကို အန်ဝါမှ လူသိရှင်ကြား ဝေဖန်ထောက်ပြခြင်းများကြောင့် မဟာသီယာ၏ အမျက်ရှခြင်းကိုလည်း ခံခဲ့ရသည်။

ဂျော့ဆိုရို မီးမွှေးသွားခဲ့သော ၁၉၉၇ အာရှဘဏ္ဍာရေး အကျပ်အတည်းတွင် မလေးရှားနိုင်ငံသည်လည်း အခြားအာရှနိုင်ငံများနည်းတူ စီးပွားပျက်ကပ်တစ်ခုကို ရင်ဆိုင်ခဲ့ရသည်။ ထိုအချိန်က ဘဏ္ဍာရေးဝန်ကြီးနှင့် လက်ထောက်ဝန်ကြီးချုပ်ရာထူးကို ပူးတွဲတာဝန်ယူထားသော အန်ဝါမှ နိုင်ငံတကာငွေကြေးရံပုံငွေအဖွဲ့  (International Monetary Fund) ၏ ပြန်လည်ထူထောင်ရေးအစီအမံကို ထောက်ခံအားပေးခဲ့ပြီး အစိုးရ၏အသုံးစားရိတ်ကို ၁၈% ဖြတ်တောက်ရန် စီစဉ်ခဲ့သည်။ ထိုဖြတ်တောက်မှုကြောင့် ဝန်ကြီးများ၏ လစာများလျှော့ချရန်နှင့် ဝန်ကြီးချုပ်မဟာသီယာမှ စီစဉ်ထားသော နိုင်ငံတော်၏ လုပ်ငန်းကြီးများ ရပ်ဆိုင်းထားရန်ဖြစ်သည်။ မလေးရှားရှိ ကုမ္ဗဏီလုပ်ငန်းများစွာ ပိတ်သိမ်းရမည့် အခြေအနေတွင် အန်ဝါအီဗရာဟင်မှ နိုင်ငံတော်မှ ဝင်ရောက်စွက်ဖက် ကယ်တင်မည်မဟုတ်ဘဲ ဈေးကွက်စီးပွားရေးဖြင့် ဘဏ္ဍာရေး အခက်အခဲကို ရင်ဆိုင်မည်ဟု သူ၏သဘောထားကို ထုတ်ဖော်ခဲ့သည်။ ၁၉၉၈ တွင် ကျင်းပမည့် UMNO ၏ အထွေထွေညီလာခံတွင် အန်ဝါဦးဆောင်သည့် လူငယ်အဖွဲ့မှ မဟာသီယာ၏ မိသားစုဆွေမျိုးနှင့် ရင်းနှီးသူများအပေါ် အကျိုးအမြတ်များသော နိုင်ငံတော်၏လုပ်ငန်းများ လုပ်ကိုင်စေမှုကို မေးခွန်းထုတ်မည်ဟု ကြိုတင်ကြေညာခဲ့သည်။ ထိုလုပ်ရပ်သည် မဟာသီယာ၏ အာဏာစက်ကို တိုက်ရိုက်ခြိမ်းခြောက်မှုဖြစ်ပြီး မဟာသီယာကို ထောက်ခံသောအဖွဲ့မှ နိုင်ငံရေး အောက်လမ်းနည်းများသုံးကာ အန်ဝါကို လိင်တူဆက်ဆံသူအဖြစ် သတင်းများဖြန့်ပြီး ပြန်လည်တိုက်ခိုက်ခဲ့သည်။ ၁၉၉၈ တွင် Newsweek မဂ္ဂဇင်းမှ အန်ဝါကို “Asian of the Year” အဖြစ် အသိအမှတ်ပြုခဲ့သော်လည်း ၁၉၉၈ စက်တင်ဘာလတွင် အန်ဝါကို လက်ထောက်ဝန်ကြီးချုပ်အဖြစ်မှ လည်းကောင်း၊ UMNO ၏ ဒုတိယဥက္ကဌနေရာမှ လည်းကောင်း ထုတ်ပယ်လိုက်သည်။ ထို့ နောက် ၁၉၉၈ စက်တင်ဘာ ၂၀ ရက်တွင် မဟာသီယာ၏ ညွန်ကြားမှုဖြင့် အန်ဝါကို လိင်တူဆက်ဆံမှုနှင့် အာဏာသုံးပြီး ထိုအဖြစ်၏စုံစမ်းမှုကို အနှောင့်အယှက်ပေးမှုဖြင့် ဖမ်းစီးခဲ့သည်။

မွတ်စလင်နိုင်ငံဖြစ်သော မလေးရှားနိုင်ငံတွင် လိင်တူဆက်ဆံမှုဆိုသည်မှာ လွန်စွာဆိုးရွားသော ပြစ်မှုတစ်ခုဖြစ်ပြီး ဘာသာရေးအရ လုံးဝလက်ခံနိုင်စရာမရှိပေ။ မဟာသီယာအနေနှင့် အန်ဝါကို နိုင်ငံရေးအရသာမက လူမှုရေး ဘာသာရေးဖြင့် အရေးနိမ့်စေရန် ကြံစည်လိုက်ခြင်းဖြစ်သည်။ အန်ဝါကို အမှုဆင်ပြီး ပြစ်မှုထင်ရှားသည်ဟု တရားရုံးမှ ထောက်ဒဏ် ၉ နှစ် ချမှတ်လိုက်သော်လည်း သူဦးဆောင်လှုပ်ရှားခဲ့သည့် Reformasi ဟု ခေါ်သော နိုင်ငံရေး ”ပြုပြင်ပြောင်လဲရေးလှုပ်ရှားမှု” သည် မလေးရှားနိုင်ငံတွင် အရှိန်ကြီးထွားလာခဲ့သည်။ မလေးရှားလူမျိုးအများစုနှင့် နိုင်ငံတကာမှ အန်ဝါ၏ လိင်တူဆက်ဆံမှုနှင့် အာဏာအလွဲသုံးစားလုပ်မှု ပြစ်ဒဏ်သည် မဟာသီယာ၏ နိုင်ငံရေးအရ မတရားဖိနှိပ်မှုတစ်ခုအဖြစ်ရှုမြင်ခဲ့သည်။ ထို့ ကြောင့် အန်ဝါဦးဆောင်သော အတိုက်အခံအင်အားစုများ အင်အားပိုမိုကြီးမားလာပြီး အာဏာရ UMNO ညွန့်ပေါင်းအစိုးရအဖွဲ့ကို ရွှေးကောက်ပွဲများတွင် စတင် ခြိမ်းခြောက်လာနိုင်ခဲ့သည်။

မဟာသီယာ၏ မဟာဗျူဟာနှင့် နိုင်ငံရေးအနားယူချိန်
------------------------------------------------------
အန်ဝါကို ထောင်သွင်းအကျဉ်းချထားပြီးချိန်တွင် မဟာသီယာ အနေနှင့် သူ့ စိတ်ကြိုက် တိုင်းပြည်၏ ဘဏ္ဍာရေးအခက်အခဲကို ကျော်လွန်ရန် ကြိုးပမ်းခွင့်ရခဲ့သည်။ နိုင်ငံတကာငွေကြေးရန်ပုံငွေအဖွဲ့ IMF ၏ အထောက်အပံ့ကို ငြင်းဆန်ပြီး မလေးရှားနိုင်ငံ၏ ငွေကြေးဖြစ်သော ရင်းဂစ်ကို နိုင်ငံတကာငွေကြေးအဖြစ်မှ စက်တင်ဘာလ ၁၉၉၈ တွင် ရပ်ဆိုင်းခဲ့ပြီး ငွေလဲနှုန်းကို အစိုးရမှ ထိန်းချုပ်ခဲ့သည်။ ဘဏ်တိုးနှုန်းများနှင့် ဘဏ်များ၏ အရန်စုဆောင်းငွေကို လျော့ချစေပြီး ရပ်တန့်သွားမည့် လုပ်ငန်းများကို အစိုးရ၏ အာမခံချက်ပေးပြီး ဘဏ်များမှ ချေးငွေများ ပေးစေခြင်း၊ နိုင်ငံတွင်း ငွေကြေးလှည့်ပတ်မှုများလာစေရန် အစိုးရမှ လမ်းတံတား နှင့် အခြားအခြေခံအဆောက်အအုံများ ပိုမိုဆောက်လုပ်ကာ လုပ်ငန်းများကို အလုပ်ပေးခြင်းများ ပြုလုပ်ပေးခဲ့သည်။ နိုင်ငံအတွင်းရှိ နိုင်ငံသားပိုင်နှင့် နိုင်ငံခြားသားပိုင် လုပ်ငန်းများမှ နိုင်ငံရပ်ခြားသို့ အရင်းအနှီးများ ပြန်လည်ထုတ်ယူခွင့်ကို ယာယီရပ်ဆိုင်းခဲ့သည်။ အခက်အခဲကြုံတွေ့နေရသည့် ဘဏ်များကို အစိုးရမှ လုံးဝအကာအကွယ်ပေးပြီး မည်သည့်ဘဏ်ကိုမှ အပိတ်မခံကြောင်း အသိပေးခဲ့ကာ ဘဏ်လုပ်ငန်းများအပေါ် ယုံကြည်မှုများ ပြန်လည်တည်ဆောက်ပေးခဲ့သည်။ ပြည်တွင်းထုတ်လုပ်မှုများနှင့် ပြည်ပပို့ကုန် ဦးစားပေးလုပ်ငန်းများကို အားပေးပြီး နိုင်ငံခြားပိုလျံငွေများရရှိရန် စွမ်းဆောင်နိုင်ခဲ့သည်။ ထို့ ကြောင့် နိုင်ငံတကာငွေကြေးရန်ပုံငွေအဖွဲ့၏ အထောက်အပံ့ရယူခဲ့သော အင်ဒိုနီးရှား၊ ဖိလစ်ပိုင်နှင့် ထိုင်းနိုင်ငံများထက် စောလျှင်စွာ ဘဏ္ဍာရေးအကျပ်အတည်းမှ လွတ်မြောက်နိုင်ခဲ့သည်။ နိုင်ငံတကာ ငွေကြေးရန်ပုံငွေအဖွဲ့ သည်ပင်လျှင် မလေးရှားနိုင်ငံ၏ ဘဏ္ဍာရေးအကျပ်အတည်း ရင်ဆိုင်မှုကို အသိအမှတ်ပြုခဲ့ရသည်။

အောင်မြင်မှုများဖြင့် လူထုထောက်ခံမှုကို ပြန်လည်ရရှိလာသော ဝန်ကြီးချုပ်မဟာသီယာသည် UMNO ၏ ၂၀၀၂ ခုနှစ် အထွေထွေညီလာခံတွင် မည်သူမျှထင်မှတ်မထားသော ကြေညာချက်တစ်ခု ထုတ်ပြန်ခဲ့သည်။ သူသည် နိုင်ငံရေးမှ လုံးဝအနားယူပြီဖြစ်ကြောင်း ကြေညာလိုက်ချိန်တွင် ညီလာခံတက်ရောက်လာသူများ အံ့အားသင့်ကာ ငိုယိုတောင်းပန်သော်လည်း လက်မခံဘဲ သူ၏အရိုက်အရာကို ထိုအချိန်က လက်ထောက်ဝန်ကြီးချုပ်ဖြစ်သည့် အဒူလာအမက်ဘဒါဝီကို လွှဲပေးခဲ့သည်။

မဟာသီယာ၏ အရိုက်အရာ
----------------------------
၂၀၀၄ အထွေထွေရွေးကောက်ပွဲတွင် UMNO မှ ဆန္ဒမဲအပြတ်အသက်ဖြင့် အနိုင်ရရှိပြီး ဘဒါဝီ ဝန်ကြီးချုပ်အဖြစ် တရားဝင်ရွေးကောက်ခံခဲ့ရသည်။ ထိုအချိန်တွင် ထောင်သွင်းအကျဉ်းကျခံနေရသော အန်ဝါကို ပြစ်မှုမရှိကြောင်း တရားရုံးကဆုံးဖြတ်ပြီး အကျဉ်းထောင်မှပြန်လွှတ်ပေးခဲ့သည်။ မလေးရှားနိုင်ငံ၏ ဥပဒေအရ ဘုရင်၏လွတ်ငြိမ်းချမ်းသာခွင့်မှလွဲ၍ မည်သူမဆို အကျဉ်းကျခံရာမှ လွတ်လာပြီး ၅ နှစ်အတွင်း နိုင်ငံရေးတွင် ပါဝင်ပတ်သက်ခွင့်မရပေ။ သို့သော် အန်ဝါအနေနှင့် သူ၏အမျိုးသမီးကို အတိုက်ခံတို့၏ ခေါင်းဆောင်အဖြစ် ကြေညာပြီး နောက်ကွယ်မှနေ၍ အစိုးရဆန့်ကျင်ရေးနှင့် ပြုပြင်ပြောင်းလဲရေးလှုပ်ရှားမှုများကို စတင်လုပ်ဆောင်တော့သည်။

ဘဒါဝီ ဝန်ကြီးချုပ်ဖြစ်လာပြီးနောက်ပိုင်း အဂတိလိုက်စားမှုများကို ထိထိရောက်ရောက် နှိမ်နှင်းနိုင်ခဲ့ရာ ဝန်ကြီးချုပ်ဟောင်း မဟာသီယာလက်ထက်မှ ကြီးပွားချမ်းသာလာသော နာမည်ကြီး ခရိုနီများပင် အရေးယူခံရမှုများရှိလာခဲ့သည်။ ထို့ကြောင့် မလေးရှားပြည်သူများ၏ထောက်ခံမှုကို ရရှိခဲ့သော်လည်း မဟာသီယာနှင့် ထောက်ခံသူအသိုင်းအဝိုင်းမှ သူ၏အုပ်ချုပ်မှုကို ဆန့်ကျင်မှုများရှိလာခဲ့သည်။

၂၀၀၈ အထွေထွေရွေးကောက်ပွဲတွင် UMNO ညွန့်ပေါင်းအဖွဲ့ အနို်င်ရရှိခဲ့သော်လည်း အန်ဝါ နောက်ကွယ်မှ ဦးဆောင်သည့် အတိုက်အခံမှ အရေးပါသောမြို့များတွင် အနိုင်ရရှိလာကာ လက်ရှိအစိုးရကို ခြိမ်းခြောက်လာနိုင်သည့် အခြေအနေတွင်ရှိလာခဲ့သည်။ အတိုက်အခံခေါင်းဆောင် အန်ဝါ ကိုယ်တိုင်လည်း နိုင်ငံရေးကို တရားဝင်လုပ်ကိုင်ခွင့် ပြန်လည်ရရှိပြီး သူ၏မဲဆန္ဒနယ်တွင် မဲအပြတ်အသတ်ဖြင့် ရွေးကောက်ခံခဲ့ရသည်။ ထို့ကြောင့် မဟာသီနှင့် ထောက်ခံသူများက ဘဒါဝီကို ထိုအချက်ဖြင့် အပြစ်တင်ကာ ဝန်ကြီးချုပ်နေရာမှ နှုတ်ထွက်ပေးရန် ဖိအားပေးခဲ့သည်။ နောက်ဆုံးတွင် နိုင်ငံရေးဖိအားပေးမှုများကို မခံနိုင်ဘဲ လက်ထောက်ဝန်ကြီးချုပ်ဖြစ်သော နာဂျစ်ရာဇတ်ကို ဝန်ကြီးချုပ်ရာထူးလွှဲပေးကာ ဘဒါဝီ နိုင်ငံရေးမှ အနားယူခဲ့ရသည်။

နာဂျစ်သည် ဒုတိယမြောက် မလေးရှားဝန်ကြီးချုပ်၏ သားတစ်ဦးဖြစ်ပြီး တတိယမြောက် ဝန်ကြီးချုပ်၏ တူတော်ကာ UMNO နှင့် အစိုးရအဖွဲ့တွင် သြဇာအာဏာကြီးမားသူတစ်ယောက်ဖြစ်သည်။ ဝန်ကြီးချုပ်ဖြစ်လာပြီး နံပါတ်တစ် မလေးရှား လှုပ်ရှားမှု (1 Malaysia) ကို စတင်ခဲ့ပြီး ၂၀၀၉ ခုနှစ်တွင် အစိုးရပိုင်ငွေများဖြင့် နိုင်ငံပိုင်ရင်းနှီးမြှုပ်နှံမှုများ နိုင်ငံတကာတွင် လုပ်ကိုင်မည်ဟု စီစဉ်ပြီး 1MDB ခေါ် နံပါတ်တစ် မလေးရှားဖွံ့ ဖြိုးရေး လီမိတက် (1 Malaysia Development Berhad) ကို တည်ထောင်ခဲ့သည်။ သို့သော် 1MDB သည် မည်သည့်လုပ်ငန်းမျှ မယ်မယ်ရရ ပြနိုင်ခြင်းမရှိဘဲ ၆ နှစ်အတွင်း အကြွေး ဒေါ်လာသန်းတစ်သောင်းတစ်ထောင်တစ်ရာကျော် တင်သွားခဲ့သည်။ ၂၀၁၅ ဂျူလိုင်လထုတ် The Wall Street Journal တွင် 1MDB မှ ဒေါ်လာသန်း ၇၀၀ သည် နာဂျစ်၏ ကိုယ်ပိုင်ဘဏ်စာရင်းထဲသို့ ဝင်သွားကြောင်း အထောက်ထားများဖြင့် ဖော်ပြခဲ့သည်။ နာဂျစ်မှ ထိုသတင်းစာကို တရားစွဲမည်ဟု ကြေညာသော်လည်း တကယ်တမ်း တရားစွဲမှု မပြုခဲ့သဖြင့် နာဂျစ်၏ အဂတိလိုက်စားမှုများအပေါ် လက်ထောက်ဝန်ကြီးချုပ်အပါအဝင် မလေးလူထုမှ သံသယဝင်လာခဲ့ကြသည်။ ထို့အပြင် 1MDB မှ နိုင်ငံတကာ ဘဏ်များကိုသုံး၍ ငွေကြေးခဝါချမှုရှိကြောင်း အထောက်အထားများအရ အမေရိကန်ပြည်ထောင်စု၊ စင်ကာပူ၊ ဟောင်ကောင်၊ ဆွစ်ဇာလန်နိင်ငံတို့အပါအဝင် နိုင်ငံပေါင်း ၈ နိုင်ငံမှ စုံစမ်းစစ်ဆေးမှုများပြုလုပ်ခဲ့သည်။

ထိုအချိန်က လက်ထောက်ဝန်ကြီးချုပ် မူယင်ဒင်ယာဆင်မှ နာဂျစ်ကို ဒေါ်လာသန်း ၇၀၀ ကိစ္စကိုမေးမြန်းခဲ့ရာ သူ၏ဘဏ်ထဲသို့ သန်း ၇၀၀ ဝင်လာသည်ကုို ဝန်ခံခဲ့သော်လည်း 1MDB ၏ ပိုက်ဆံများမဟုတ်ဘဲ ဆော်ဒီဘုရင်တပါးမှ သူ့ အားလက်ဆောင်ပေးခြင်း ဖြစ်သည်ဟု ဖြေကြားခဲ့သည်။ ထို့နောက် လက်ထောက်ဝန်ကြီးချုပ်ကို တာဝန်မှရပ်စဲခဲ့ပြီး နာဂျစ်သြဇာခံတစ်ဦးကို လက်ထောက်ဝန်ကြီးချုပ်ရာထူး ပေးအပ်လိုက်သည်။ စာရင်းစစ်ချုပ်နှင့် အဂတိလိုက်စားမှုကော်မရှင်မှ အရာရှိများကိုလည်း ဝန်ကြီးချုပ်နာဂျစ်စိတ်ကြိုက် ပြန်လည်ခန့်အပ်ပြီး 1MDB ၏ အဂတိလိုက်စားမှုကို စုံစမ်းစစ်ဆေးစေသည်။ ထိုစုံစမ်းမှုများကို မလေးရှားပြည်သူများကို ချမပြဘဲ စာရင်းစစ်ချုပ်နှင့် အဂတိလိုက်စားမှုကော်မရှင်မှ ဝန်ကြီးချုပ်အနေနှင့် အဂတိလိုက်စားမှုမရှိကြောင်းသာ သတင်းဖေါ်ပြခဲ့သည်။

တစ်ချိန်ထဲတွင် ဝန်ကြီးချုပ်နာဂျစ်မိသားစု၏ သုံးဖြုန်းမှုများကို လူမှုကွန်ရက်တွင် ဝေဖန်မှုများရှိလာခဲ့သည်။ နာဂျစ်အမျိုးသမီးမှ ဒေါ်လာသိန်းချီတန်သော အာမက်(စ်)ဘာကင် (Hermes Birkin) အိတ်များ တစ်နေ့တစ်လုံး ကိုင်ခြင်း၊ နာဂျစ်သမီး မင်္ဂလာဆောင်အတွက် ပန်းဖိုးတစ်ခုထဲအတွက်တင် ရင်းဂစ် ၃သန်း (ကျပ်သိန်း၁သောင်းခန့်) အသုံးပြုပြီး ကုန်ကျစားရိတ်ခန့်မှန်း၍မရအောင် များပြားခြင်း စသည့်သတင်းများထွက်ပေါ်လာပြီး ဝန်ကြီးချုပ်ဟောင်း မဟာသီယာမှ နာဂျစ်ကို ရာထူးမှ နှုတ်ထွက်ပေးရန် လူသိရှင်ကြားပြောကြားခဲ့သည်။ သို့ သော် နာဂျစ်အတွက် ရာထူးမှဆင်းပေးခြင်းသည် သူ၏ကျဆုံးခြင်းဖြစ်သဖြင့် မဖြစ်ဖြစ်သည့်နည်းဖြင့် အာဏာကို ဆုပ်ကိုင်ထားနိုင်ရန် ဆောင်ရွက်လာသည်။ UMNO ညွန့်ပေါင်းအဖွဲ့အတွင်းမှ မဟာသီယာ၏ သားအပါအဝင် သူကို့ဆန့်ကျင်မည့်သူများကို ဖယ်ထုတ်ကာ နိုင်ငံပိုင်လုပ်ငန်းများတွင် အတိုင်ပင်ခံလုပ်နေသော မဟာသီယာကိုပါ ရာထူးမှရပ်စဲခြင်း၊ လုံခြုံရေးအစောင့်အရှောက်များကို ရုပ်သိမ်းခြင်း၊ သူ့ ကို ဝေဖန်မှုများကို ရဲနှင့် အမှုဖွင့်ကာ စုံစမ်းစစ်ဆေးစေခြင်းတို့ဖြင့် သူ၏အာဏာစက်မြဲစေရန် ရသည့်နည်းဖြင့် ကြိုးပမ်းတော့သည်။

အတိုက်အခံခေါင်းဆောင် အန်ဝါအီဗရာဟင်သည် ၂၀၀၈ တွင် သူ့ ဘေးတွင် အကူအညီပေးသူ လူငယ်အမျိုးသားတစ်ဦးကို လိင်ပိုင်းဆိုင်ရာ နှောင့်ယှက်သည်ဟု တရားစွဲဆို ခံခဲ့ရပြီး ရွေးကောက်ပွဲ ဝင်ရောက်ခွင့် ပိတ်ပင်ခံခဲ့ရသော်လည်း တရားရုံးမှ ၂၀၁၂ တွင် အပြစ်မရှိဟု ဆုံးဖြတ်ခဲ့သည်။ သို့သော် ၂၀၁၄ တွင် အန်ဝါအီဗရာဟင် ကြားဖြတ်ရွေးကောက်ပွဲ မဝင်ခင် အယူခံတရားရုံးမှ ထိုပြစ်မှုကို အပြစ်ရှိကြောင်း အမိန့် ပြန်လည်ချမှတ်၍ အတိုက်အခံခေါင်းဆောင် ရွေးကောက်ပွဲ ဝင်ခွင့်မရဘဲ ထောင်ဒဏ် ၅ နှစ် ထပ်မံအပြစ်ပေးခံခဲ့ရသည်။

၂၀၁၃ ခုနှစ်တွင် ကျင်းပခဲ့သော ၁၃ ကြိမ်မြောက် အထွေထွေရွေးကောက်ပွဲတွင် အတိုက်အခံဘက်မှ ဆန္ဒမဲပေးသူအားလုံး၏ ၅၀ ရာခိုင်နှုန်းကျော် ရရှိခဲ့သော်လည်း ဝန်ကြီးချုပ်နာဂျစ် ခြယ်လှယ်ထားသော ရွေးကောက်ပွဲကော်မရှင်မှ မဲဆန္ဒနယ်များကို လက်ရှိအာဏာရညွန့်ပေါင်း UMNO အစိုးရ အသာရရန် ပြင်ဆင်သတ်မှတ်ပေးခဲ့ခြင်းဖြင့် မဲမသမာမှုများနှင့် ဝန်ကြီးချုပ်နာဂျစ် ပြန်လည် အစိုးရဖွဲ့နိုင်ခဲ့သည်။

မဟာသီယာ၏ တကျော့ပြန်နိုင်ငံရေး
--------------------------------------
ဝန်ကြီးချုပ်နာဂျစ်၏ တရားရေးအပေါ် ဝင်ရောက်စွက်ဖက်မှုများ၊ အဂတိလိုက်စားမှုများနှင့် အာဏာကို လက်ကိုင်ထားရန် နည်းလမ်းပေါင်းစုံဖြင့် ကြိုးပမ်းမှုများ ပိုမိုများပြားလာခဲ့သည်။ ၂၀၁၈ တွင် ကျင်းပမည့် အထွေထွေရွေးကောက်ပွဲအတွက် မဲဆန္ဒနယ်များကို ထပ်မံပြီး ပြောင်းလဲသတ်မှတ်စေခြင်း နှင့် ငွေကြေးအသုံးပြုပြီး အနိုင်ရနိုင်သည့် လွှတ်တော်အမတ်များကို စည်းရုံးခြင်းများ အများအပြားရှိကြောင်း သတင်းများလည်း ထွက်ပေါ်လာသည်။

ဝန်ကြီးချုပ်ဟောင်း မဟာသီယာမိုဟာမက်သည် သူ ဆယ်စုနှစ်ပေါင်းများစွာ ပါဝင်တည်ထောင်ခဲ့သော လက်ရှိအာဏာရ UMNO ပါတီမှ ထွက်ခွာပြီး ၂၀၁၇ တွင် နိုင်ငံရေးပါတီသစ်တစ်ခုကို တရားဝင်တည်ထောင်ခါ အန်ဝါအီဗရာဟင်၏ အမျိုးသမီးနှင့် ပူးပေါင်းပြီး အတိုက်အခံအဖွဲ့၏ ခေါင်းဆောင်အဖြစ် ၂၀၁၈ အထွေထွေရွှေးကောက်ပွဲတွင် ဝင်ရောက်ယှဉ်ပြိုင်ရန် စတင်ပြင်ဆင်ခဲ့သည်။ မဟာသီယာသည် အသက် ၉၃ နှစ်ရှိပြီဖြစ်ပြီး ကမ္ဘာတွင် အသက်အကြီးဆုံး နိုင်ငံရေးခေါင်းဆောင်အဖြစ် မှတ်တမ်းဝင်ခဲ့သည်။

နိုင်ငံရေးတွင် ထာဝရ ရန်သူမရှိ
---------------------------------
ရွှေးကောက်ပွဲမတိုင်ခင်တွင် မဟာသီယာမိုဟာမက်မှ သူဦးဆောင်သော အတိုက်အခံ အနိုင်ရလျှင် ယခင်က သူ၏ လက်ရင်းတပည့်ဖြစ်သူမှ ရန်သူဖြစ်ခဲ့သူ အန်ဝါအီဗရာဟင်ကို ထောင်မှ ချက်ချင်း လွှတ်ပေးရန် ကြိုးပမ်းပေးမည်ဖြစ်ပြီး ဘုရင်၏ လွတ်ငြိမ်းချမ်းသာခွင့်ဖြင့် နိုင်ငံရေးသို့ ချက်ချင်းပြန်လည်လှုပ်ရှားခွင့်ပေးမည်ဖြစ်ကာ ဝန်ကြီးချုပ်အရိုက်အရာကိုပါ ဆက်ခံသူအဖြစ် ပေးမည်ဖြစ်ကြောင်း ကတိပေး ကြေညာခဲ့သည်။

ထိုနိုင်ငံရေးဖိအားများကြောင့် လက်ရှိဝန်ကြီးချုပ် နာဂျစ်သည် ၂၀၁၈ အထွေထွေရွေးကောက်ပွဲကို ကြားနေ့ဖြစ်သည့် ၂၀၁၈ မေလ ၉ ရက် ဗုဒ္ဓဟူးနေ့တွင် ကျင်းပမည်ဖြစ်ကြောင်း ကြေညာခဲ့သည်။ ထို့  အပြင် ပြည်တွင်းလေကြောင်းလိုင်းများကို ထိုရက်မတိုင်ခင် ပျံသန်းခြင်းများ လျော့ချရန် မလေးရှားလေကြောင်းအာဏာပိုင်မှ တားမြစ်ခဲ့ကြောင်း စွပ်စွဲချက်များ ရွေးကောက်ပွဲအပြီးတွင် ထွက်လာခဲ့သည်။

လူထုအားဖြင့်
--------------
ရွေးကောက်ပွဲကာလတွင် ဝန်ကြီးချုပ်နာဂျစ်ဦးဆောင်သော အာဏာရအစိုးရမှ နည်းလမ်းပေါင်းစုံဖြင့် အာဏာကို လက်ကိုင်ထားနိုင်ရန် ကြိုးပမ်းခဲ့သော်လည်း ၂၀၁၈ ရွေးကောက်ပွဲသည် မလေးရှားနိုင်ငံသမိုင်းတွင် ဆန္ဒမဲပေးသူ စံချိန်တင်ခဲ့သည်။ ဆန္ဒမဲပေးနိုင်သူဦးရေ၏ ၈၀ ရာခိုင်းနှုန်းကျော် လာရောက်မဲပေးခဲ့ပြီး မဟာသီယာဦးဆောင်သော အတိုက်အခံမှ လွတ်တော်ကိုယ်စားလှယ်နေရာ ၅၄ ရာခိုင်နှုန်းရရှိခဲ့ပြီး အစိုးရအသစ်တစ်ရပ်ဖွဲ့နိုင်ခဲ့သည်။ ဝန်ကြီးချုပ်ဟောင်းနာဂျစ်မှာ လက်ရှိအချိန်တွင် အဂတိလိုက်စားမှုများကြောင့် စုံစမ်းစစ်ဆေးခံနေရပြီဖြစ်သည်။

ရွေးကောက်ပွဲအပြီးတွင် ပြန်ရောက်လာကြသော မလေးရှားနိုင်ငံသားဝန်ထမ်းများမှ လက်ဆောင်များ ကိုယ်စီယူလာကြကာ ကျေးဇူးတင်ကြောင်း လာရောက်ပြောကြားကြသည်။ သူတို့၏အပြုံးများကို ကြည့်ရင်း မလေးရှားနိုင်ငံအတွက် ဝမ်းသာဂုဏ်ယူမိပါကြောင်း ပြောလိုက်မိသည်။

မလေးရှားနိုင်ငံနည်းတူ မြန်မာနိုင်ငံတွင်လည်း ၂၀၁၅ အထွေထွေရွေးကောက်ပွဲတွင် လူထုအားဖြင့် ပြည်သူ့ အစိုးရသစ်တစ်ရပ်ကို ရွေးချယ်ပေးနိုင်ခဲ့သည်ကို ပြန်လည်သတိရမိသည်။ ထိုသို့ရွှေးချယ်ခွင့်ရရန် ပြည်သူလူထု ကျောင်းသားလူငယ်များ၏ အသက်သွေး၊ လွတ်လပ်မှုများဖြင့် နှစ်ပေါင်း ဆယ်စုနှစ်များစွာ စတေးခဲ့ရခြင်းဖြစ်သည်။ ထိုပေးဆပ်မှုများကို မမေ့မလျော့ဘဲ ပြည်သူ့ ဘက်မှ အမြဲရပ်တည်နိုင်မည့် ပြည်သူ့ အစိုးရတစ်ရပ် အရှည်တည်တန့်နိုင်ပါစေဟု။ ။

(7 Day Daily, 11 Aug 2018)