မကြာသေးခင်ကစင်ကာပူတွင် ဖြစ်သွားခဲ့သော မြန်မာလူမျိုးနှင့်ပတ်သက်သည့် အဖြစ်အပျက်နှစ်ခုအကြောင်းကို လူမှုကွန်ရက် စာမျက်နှာပေါ်တွင် တုံ့ပြန်ပုံမတူ ညီမှုကို ကြည့်မိပြီး အတွေးတစ်ခု ရခဲ့မိသည်။
ပထမအဖြစ်အပျက်သည် ရထားပေါ်တွင် မြန်မာလူမျိုးအင် ဂျင်နီယာတစ်ဦးက စင်ကာပူလူ မျိုး အမျိုးသမီးတစ်ဦး၏ ရင်သား ကို ဘေးချင်းယှဉ်လျက်ထိုင်ရင်း သူ၏ လက်ဖြင့်သွားသွားထိမိ သည့် သတင်းဖြစ်သည်။ သတင်း ထဲတွင် အမျိုးသမီးက ထိုအမျိုး သားအား ကြည့်သောအခါ ထိုသူ က ပြုံးပြပြီး ရထားပေါ်ကအဆင်း တွင် နောက်ကလိုက်လာသဖြင့် သူမ၏အစ်ကိုဖြစ်သူကို ဖုန်းဆက် ခေါ်ပြီး အဖြစ်အပျက်ကို ပြောပြ သည်။ ထိုအင်ဂျင်နီယာသည် အမျိုးသမီးသွားရာအလုပ်အထိ နောက်ကပါလာပြီးမှ ပြန်လှည့် သွားသည်။ နောက်တစ်နေ့တွင် ရဲကဖမ်းမိပြီး တရားရုံးတွင် စစ် ဆေးရာအပြစ်ရှိကြောင်းတွေ့ရှိ၍ ပြစ်ဒဏ်ထောင်ခုနစ်လချလိုက် ကြောင်း လူမှုကွန်ရက် ဖေ့စ် ဘွတ်ခ်ပေါ်တွင် ပါလာသည်။ ထို သတင်းတက်လာလာချင်း စင် ကာပူနှင့် နိုင်ငံတကာမှ မြန်မာ များက ထိုမြန်မာလူမျိုးအင်ဂျင်နီ ယာဘက်မှ လူမှုကွန်ရက်ပေါ်တွင် မှတ်ချက်များရေးပြီး အကာအ ကွယ်ပေးကြသည်။ မနက်ခင်းရုံး တက်ချိန်ဖြစ်သောကြောင့် အိပ် ငိုက်မိ၍ ထိမိခြင်းသာ ဖြစ် ကြောင်း၊ စင်ကာပူအမျိုးသမီးမှာ အကဲပိုလွန်းကြောင်း၊ စင်ကာပူ မှာဖြစ်၍ သူ့လူမျိုးကို ဘက် လိုက်ပြီးတရားစီရင်ကြောင်း ၀ိုင်းဝန်း၍ မှတ်ချက်များပေးကြသည်။
ကျွန်တော့်အနေနှင့်က ထို အင်ဂျင်နီယာကို ခင်မင်ရင်းနှီး ခြင်းမရှိသဖြင့် သူ၏စိတ်နေသ ဘောထားကို မသိနိုင်။ ထိုအဖြစ် အပျက်ဖြစ်ပွားချိန်တွင် ကိုယ်တိုင် မရှိခဲ့၍ တကယ်ကျူးလွန်ခဲ့တာ လား၊ မတော်တဆလားဆိုသည် ကို ဆုံးဖြတ်နိုင်စွမ်းမရှိ။ သို့သော် သေချာသည်မှာ စင်ကာပူနိုင်ငံ သည် ကမ္ဘာပေါ်တွင် တရားစီရင် ရေး၌ တရားမျှတမှုအရှိဆုံးနိုင်ငံ ထဲမှ တစ်နိုင်ငံဖြစ်သည်။ တရား စီရင်ရာတွင် ကျောသားရင်သား မခွဲခြားဘဲ တရားဥပဒေအထက် တွင် မည်သူမှ မရှိစေရဆိုသည့် တရားစီရင်ထုံးကို လက်ကိုင်ထား သောနိုင်ငံဖြစ်သည်။ သူ့နိုင်ငံ သားမို့ ပိုမိုဦးစားပေးမည်၊ နိုင်ငံ ခြားသားမို့ နှိပ်ကွပ်မည်ဟူ၍ မရှိ။ ထို့ကြောင့် ပြစ်ဒဏ်ကျခံရသော မြန်မာလူမျိုးအင်ဂျင်နီယာကို လူ မျိုးတူသည်ဟု ဆိုပြီး ထောက်ခံ အားပေးဖို့မလိုဟု သတ်မှတ်ခဲ့၍ မည်သည့်မှတ်ချက်မှ ထိုအချိန်က ၀င်မရေးမိခဲ့။
ထို့နောက်မြန်မာလူမျိုးနှင့် ပတ်သက်သော နောက်သတင်း တစ်ပုဒ် လူမှုကွန်ရက်တွင် ထပ် တက်လာသည်။ စင်ကာပူလူမျိုး သားအမိမှ မြန်မာအိမ်ဖော်ကောင် မလေးကို သတ်လိုက်သည့်သ တင်းဖြစ်သည်။ ထိုသတင်းတက် လာပြီးချင်း လူမှုကွန်ရက်မှ မှတ် ချက်များကို ဖတ်ကြည့်မိသည်။ စင်ကာပူလူမျိုးအများစုက အ သတ်ခံရသည့် အိမ်ဖော်မလေးကို သနားမိကြောင်းနှင့် လူသတ်မှု ကျူးလွန်သော စင်ကာပူလူမျိုး သားအမိအား လူတစ်ယောက်အ သက်ကို လွယ်လွယ်ကူကူမသတ် သင့်ကြောင်း ၀ိုင်းဝန်းဝေဖန်ကြ တော့သည်။ ထိုမှတ်ချက်များတွင် မြန်မာလူမျိုးအိမ်ဖော်ကို ဝေဖန် ရှုတ်ချထားသော မှတ်ချက်များ တစ်ခုတလေမှပင် မတွေ့မိ။
ထိုသတင်းနှစ်ပုဒ်နှင့် တုံ့ပြန် သော လူမှုအသိုင်းအ၀ိုင်းနှစ်ခုကို သုံးသပ်ကြည့်သောအခါ သတင်း အောက်တွင် မှတ်ချက်ရေးသော မြန်မာများက အမျိုးသားရေးကို ရှေ့တန်းတင်ပြီး ကိုယ့်လူမျိုးဘာ အပြစ်လုပ်လုပ် ၀ိုင်းဝန်းကာကွယ် ကြသော်လည်း စင်ကာပူများက အမှန်တရားဘက်က ရပ်တည် ကာ သူ့လူမျိုး၏ မှားယွင်းမှုကို ၀ိုင်းဝန်းဝေဖန်ကြသည်ကို တွေ့ ရသည်။
အမျိုးသားရေးနှင့် ဘာသာရေး
---------------------------------------
၂၀၁၀ ဦးသိန်းစိန်၏ ဘောင်းဘီဝတ်အစိုးရမှ ပုဆိုး ၀တ်အစိုးရသို့ ကူးပြောင်းပြီး နောက်ပိုင်း အမျိုးသားရေးနှင့် ဘာသာရေးလှုပ်ရှားမှုများ သိသိ သာသာ များပြားလာသည်ကို တွေ့ရသည်။ ၂၀၁၂ ရခိုင်ပြည် နယ်တွင် ဖြစ်ပွားခဲ့သော ဘင်္ဂါလီ မွတ်စလင်များနှင့် ရခိုင်ဗုဒ္ဓဘာ သာများ ပဋိပက္ခနောက်ပိုင်းတွင် ဦးဝီရသူဆိုသည့် ဘုန်းကြီးတစ်ပါး အမျိုးသားရေး၊ ဘာသာရေးလှုပ် ရှားမှုများဖြင့် ထင်ပေါ်လာခဲ့ သည်။ ၂၀၁၃ ဇူလိုင်ထုတ် TIME မဂ္ဂဇင်းတွင် ဦးဝီရသူဓာတ်ပုံဖြင့် ‘The Face Of Buddhist Terror’ ခေါင်းစဉ်ဖြင့် ရေးသားခဲ့သော ဆောင်းပါးနောက်ပိုင်းတွင် ကမ္ဘာ ကျော်သည်အထိ ထင်ပေါ်လာခဲ့ သည်။ ထို့နောက် မွတ်စလင်ဘာ သာမုန်းတီးရေးဟောပြောပွဲများ၊ အမျိုး၊ ဘာသာ၊ သာသနာလှုပ် ရှားမှုများကို ဦးဆောင်ပြီး ဦးသိန်း စိန်အရပ်သားအစိုးရပထမသက် တမ်းမကုန်ခင်တွင် မျိုးစောင့်ဥပ ဒေဟုခေါ်သော အငြင်းပွားဖွယ် ရာ အမျိုးသားရေး၊ ဘာသာရေး ဦးစားပေးဥပဒေများကို လွှတ် တော်တွင်တင်သွင်းကာ ပြည်ခိုင် ဖြိုးလွှတ်တော်နှင့် ဦးသိန်းစိန်အစိုး ရက အတည်ပြု ပေးလိုက်သည်။ အမျိုးသားရေး အင်အားစုများက ဖွဲ့စည်းထားသော ပြည်ထောင်စု ကြံ့ခိုင်ရေး နှင့် ဖွံ့ဖြိုးရေးပါတီကို အမျိုး၊ ဘာသာ၊ သာသနာကို စောင့်ရှောက်မည့် ပါတီအဖြစ် ပေါ်ပေါ်ထင်ထင် ထောက်ခံအား ပေးရင်း ယခင်က ကျူးလွန်ထားခဲ့ သော ရွှေဝါရောင်သံဃာ့အရေး အခင်းတွင် သံဃာတော်များကို အကြမ်းဖက်ဖြိုခွင်းခဲ့သော၊ လက် ပံတောင်းတောင်တွင် သံဃာများ ကို မီးလောင်ဗုံးဖြင့် နှိမ်နင်းခဲ့ သော၊ ယခင်အစိုးရ ဟောင်းပါတီ ၏ အတိတ်က ပုံရိပ်ဆိုးတို့ကိုပင် မေ့ဖျောက်ပစ်လေသည်။
အမျိုးသားရေးနှင့် ဗုဒ္ဓဘာသာ
---------------------------------------
ဗုဒ္ဓဘုရားရှင်လက်ထက်က ဇာတ်နိမ့်၊ ဇာတ်မြင့်အလွန်ခွဲခြား သော (တစ်နည်းအားဖြင့် အမျိုး သားရေး အစွန်းရောက်သော) အိန္ဒိယနိုင်ငံရှိ အမြင့်ဆုံးမျိုးနွယ် ၀င်၏ ခေါင်းဆောင်ဖြစ်သည့် သောဏဒဏ္ဍပုဏ္ဏားသည် မြတ် စွာဘုရား၏ ဆုံးမသွန်သင်မှုဖြင့် အမျိုးအနွယ်ထက် အမှန်တရား ဘက်ကိုလိုက်ကာ ဗုဒ္ဓ၏နောက် လိုက်တစ်ဦးဖြစ်ခဲ့ဖူးသည်။ ထိုသို့ သွန်သင်ဆုံးမရန် ဗုဒ္ဓက သောဏ ဒဏ္ဍပုဏ္ဏားကို မည်သည့်အင်္ဂါတို့ နှင့် ပြည့်စုံသူကို ‘ပုဏ္ဏား’ဟု ခေါ် ထိုက်သနည်းဟု ဦးစွာမေးလိုက် ၏။ သောဏဒဏ္ဍက မြတ်စွာ ဘုရားအားအောက်ပါအချက်ငါး ပါးသောအင်္ဂါနှင့် ပြည့်စုံလျှင် ‘ပုဏ္ဏား’ ဟုခေါ်ထိုက်ကြောင်း ပြန်ကြားလေသည်။
၁- အမိဘက်၊ အဖဘက်မှ ကောင်းသော မျိုးရိုးရှိခြင်း။ ဘိုး ဘေးခုနစ်ဆက်တိုင်အောင် မျိုးရိုး သန့်ခြင်း။
၂- ဝေဒကျမ်းများကိုတတ် မြောက်ခြင်း။
၃- အဆင်းလှပခြင်း။
၎- အကျင့်သီလကောင်းမွန်ခြင်း။
၅- စဉ်းစားတွေးခေါ်နိုင်သည့် ဉာဏ်ပညာရှိခြင်း။
ထိုအခါ ဗုဒ္ဓက ‘ပုဏ္ဏား’တစ်ယောက်ဖြစ်ရန် လိုအပ်ချက်ကို မဖြစ်မနေ လျှော့ရမည်ဆိုလျှင် မည်သည့်အချက်ကို လျှော့မည် နည်းဟု သောဏဒဏ္ဍပုဏ္ဏားကို မေးမြန်းလေရာပုဏ္ဏားက ‘အဆင်းလှခြင်း’ ကိုအရင်ပယ်ပြီး အဆင်း မလှလည်း ပုဏ္ဏားဖြစ်ခွင့်ရှိသည် ဟု အရင်ဖြေကြားလေသည်။ နောက်ထပ် လျှော့ခိုင်းသောအခါ ‘ဝေဒကျမ်း များတတ်မြောက်ခြင်း’ မရှိလည်း ပုဏ္ဏားဖြစ်ထိုက်ပါ သည်ဟု ထပ်မံဖြေကြားသည်။ ဗုဒ္ဓက တစ်ဆင့်တက်ပြီး ထပ်မံ လျှော့ခိုင်းသောအခါ ‘အမိဘက်၊ အဖဘက်မှ ကောင်းသောမျိုးရိုး ရှိခြင်း၊ ဘိုးဘေးခုနစ်ဆက်တိုင် အောင် မျိုးရိုးသန့်ခြင်း’ ကို ဖယ်ပြီး ‘အကျင့်သီလ’ နှင့် ‘ဉာဏ် ပညာထက်မြက်’လျှင် ပုဏ္ဏားမျိုး နွယ်အဖြစ် အသိအမှတ်ပြုနိုင် ကြောင်း ပြန်လည်ဖြေကြားလေ သည်။
ထိုအချိန်တွင် တခြားပုဏ္ဏား များက မကျေမနပ်နှင့် သောဏ ဒဏ္ဍပုဏ္ဏားကို ဝေဖန်ကြသော အခါ သူ၏တူဖြစ်သူအင်္ဂါကကို ဥပမာပေး၍ သူ့တူဖြစ်သူသည် ဆွေခုနစ်ဆက် မျိုးခုနစ်ဆက်သန့် ပြန့်၏။
ဝေဒကျမ်းများကို တစ် ဖက်ကမ်းခပ် တတ်မြောက်၏။ ရုပ်ဆင်းအင်္ဂါလှပ၏။ သို့သော် အင်္ဂါက လုလင်အနေနှင့် အကျင့် သီလကို ချိုးဖောက်ကာ ‘သူများ အသက်ကို သတ်လျှင်၊မပေးသည့် ပစ္စည်းကို ခိုးယူလျှင်၊ သူများသား မယားကို အလိုမတူဘဲဖျက်ဆီး လျှင်၊ သေရည်သေရက်တို့ကို သောက်လျှင်’ ပုဏ္ဏားဟုအသိအ မှတ်ပြုနိုင်မည်လားဟု မေးသော အခါ ပုဏ္ဏားအားလုံးက အသိအ မှတ်မပြုနိုင်ကြာင်း ဖြေကြားရင်း သောဏဒဏ္ဍပုဏ္ဏား၏ ဘုရားရှင် သို့ ဖြေကြားချက်ကို စောဒကမ တက်နိုင်ကြတော့ချေ။ ထို့နောက် ဘုရားရှင်က ထပ်မံ၍ အချက်တစ် ချက်ကိုပယ်ဖျက်ခိုင်းသောအခါ သောဏဒဏ္ဍမှ ‘အကျင့်သီလ’ နှင့် ‘စဉ်းစားတွေးခေါ်နိုင်သည့် ဉာဏ်ပညာ’ သည်လက်နှစ်ဖက် နှင့်တူ၍ အညစ်အကြေးများကို ဆေးကြောရာတွင် လက်နှစ်ဖက် လိုသကဲ့သို့ ‘အကျင့်သီလ’ ကို ‘ဉာဏ်ပညာ’ ဖြင့်ဆေးကြောရ၍ ‘ဉာဏ်ပညာ’ကိုလည်း ‘အကျင့် သီလ’ နှင့်သာဆေးကြောမှ စင် ကြယ်နိုင်ပါသည်။ထိုအင်္ဂါနှစ်ခုမ ရှိပါက ပုဏ္ဏားဟု မခေါ်ထိုက်ပါဟု ဖြေကြားရင်း အမျိုးအနွယ်ထက် ပိုမိုအရေးကြီးသည်မှာ ‘အကျင့် သီလ’ နှင့် ‘ဉာဏ်ပညာ’ ဖြစ် ကြောင်း တရားသဘောကို နား လည် သွား ပြီး အစွန်းရောက်မှုများ ကွယ်ပျောက်ကာ အမှန်တရား များကို လက်ခံသည့် ဗုဒ္ဓဘာသာ စစ်စစ် တစ်ဦးဖြစ်သွားခဲ့ဖူးလေ သည်။
ထိုအင်္ဂါနှစ်ခုမ ရှိပါက ပုဏ္ဏားဟု မခေါ်ထိုက်ပါဟု ဖြေကြားရင်း အမျိုးအနွယ်ထက် ပိုမိုအရေးကြီးသည်မှာ ‘အကျင့် သီလ’ နှင့် ‘ဉာဏ်ပညာ’ ဖြစ် ကြောင်း တရားသဘောကိုနား လည် သွား ပြီး အစွန်းရောက်မှုများ ကွယ်ပျောက်ကာ အမှန်တရား များကို လက်ခံသည့် ဗုဒ္ဓဘာသာ စစ်စစ် တစ်ဦးဖြစ်သွားခဲ့ဖူးလေ သည်။
အမျိုးသားရေးအစွန်းရောက်မှု
----------------------------------------
အမျိုးသားရေး အစွန်း ရောက်မှုကို အခြေခံပြီး ကမ္ဘာကို ဒုက္ခပေးခဲ့သူများတွင် ဒုတိယ ကမ္ဘာစစ်ကို မီးမွှေးပေးခဲ့သော ဂျာမနီနိုင်ငံမှ ဟစ်တလာသည် ထင်ရှားသော သာဓကတစ်ခုဖြစ် သည်။ အမျိုးသားရေးကို ဦးစား ပေးရင်း လူမျိုးမတူသူဂျူးသန်း ပေါင်းများစွာကို ရက်ရက်စက် စက်သတ်ဖြတ်ခဲ့ပြီး နောက်ဆုံး ဂျာမနီနိုင်ငံကိုကမ္ဘာ့အလယ်တွင် အရှက်တကွဲဖြစ်ကာ ဒုက္ခရောက် စေခဲ့သည်။ သူမုန်းတီးခဲ့သည့် ဂျူး လူမျိုးများသည် ကမ္ဘာပေါ်မှ ပျောက်မသွားဘဲ ပိုမိုအင်အား ကောင်းလာကာ အစ္စရေးခေါ် ဂျူး နိုင်ငံတစ်ခုအထိ ထူထောင်နိုင်ခဲ့ သည်။
ဘာသာရေးအစွန်းရောက် များထဲတွင် အမေရိကန်ကို၂၀၀၁ စက်တင်ဘာ ၁၁ ရက်တွင် ခရီးသည်တင်လေယာဉ်များကို ပြန်ပေးဆွဲအသေခံ တိုက်ခိုက်မှု ကို စီစဉ်ညွှန်ကြားခဲ့သော ဘင် ဘာဒင်သည် သာဓကတစ်ခုဖြစ်ခဲ့ သည်။
အမျိုးသားရေးနှင့် ဘာသာ ရေးအစွန်းရောက်များ၏ အဓိက ရည်ရွယ်ချက်သည် အမုန်းတရား နှင့် အကြောက်တရားများကို လူမှု ပတ်ဝန်းကျင်တွင် ဖန်တီးပြီး မငြိမ်မသက်မှုများကို အခြေခံကာ နိုင်ငံရေး အမြတ်ထုတ်ကြခြင်း ဖြစ်သည်။
ဗုဒ္ဓ၏အဆုံးအမများတွင် ‘ကိုယ်ကျင့်တရားသီလ’နှင့် ‘အ မှားအမှန်ဆုံးဖြတ်နိုင်သည့် ဉာဏ် ပညာ’ကိုသာ အဓိကထားရန် လမ်းညွှန်ခဲ့ပြီး မျိုးနွယ်အတွက် သီလကို ဖျက်ကာ လူသတ်ရန်နှင့် လူသတ်မှုကို အားပေးရန်မှာကြား ထားခဲ့ခြင်း မရှိပေ။ ထို့ထက်ပိုဆိုး သည်မှာ ဘာသာကိုစောင့်ရှောက် ရန် လူမျိုးခြားထက် တိရစ္ဆာန်နှင့် လက်ထပ်ယူဖို့ပင် စေခိုင်းချက် များသည် တကယ့် ဗုဒ္ဓဘာသာနှင့် ဆန့်ကျင်နေတော့သည်။
ဘာသာပေါင်းစုံကိုးကွယ် သော စင်ကာပူလိုနိုင်ငံမျိုး မဆို ထားနှင့် ကမ္ဘာတွင် မွတ်စလင်အ များဆုံး နေထိုင်သော အင်ဒိုနီးရှား နှင့် အခြားမွတ်စလင်နိုင်ငံတစ်ခု ဖြစ်သော မလေးရှားနိုင်ငံတို့သည် ပင် ဘာသာရေးအစွန်းရောက် မှုများကို သူတို့အထူးပြုသည့် မွတ်စလင်ဘာသာဝင်ဖြစ်ပါစေ လုံးဝလက်သင့်မခံသော နိုင်ငံ များဖြစ်သည်။ ထို့ကြောင့် ဘာ သာရေးအစွန်းရောက် သမားများ ကို နိုင်ငံတွင်းအမြစ်မတွယ် နိုင်အောင် လျင်မြန်စွာ ကိုင်တွယ် ဖြေရှင်းကြသည်။ ထို့ကြောင့် လည်း ထိုနိုင်ငံများသည် အဘက် ဘက်မှ တိုးတက်နေပြီး သူ၏ နိုင် ငံသားများသည် နိုင်ငံတကာတွင် ဂုဏ်သရေရှိစွာ ရပ်တည်နေနိုင် ကြခြင်းဖြစ်သည်။
မြန်မာပြည်တွင် ထိုသို့အမျိုးသားရေး၊ ဘာသာရေးအမည်ခံ အစွန်းရောက်မှုများကို လက်ရှိ အစိုးရအနေနှင့် ထိထိရောက် ရောက် မြန်မြန်ဆန်ဆန် အရေး ယူဆောင်ရွက်ရန် လိုပါသည်။
(7 Day Daily, 24 April 2017)
